मासाचुसेट्समा भ्याक्सिन लगाएका कोरोना संक्रमित झण्डै ६० हजार, ४६८ को मृत्यु
प्रकाशित मिति : कार्तिक २४, २०७८ बुधबार
अमेरिकाको मासाचुसेट्स राज्यमा पूर्णरुपमा कोरोनाबिरुद्धको भ्याक्सिन लगाएका संक्रमितको संख्या झण्डै ६० हजार पुगेको छ । राज्यको स्टेट डिपार्टमेन्ट पब्लिक हेल्थले भ्याक्सिन लगाएका संक्रमितको संख्या कुल ५६ हजार ८ सय ७ पुगेको जानकारी दिएको हो ।
भ्याक्सिन लगाएकाहरुमा देखिएको संक्रमण पूर्णरुपमा भ्याक्सिन लगाएका ४७ लाखमध्ये १ दशमलव २ प्रतिशतमात्र र मृत्यु हुनेहरुको प्रतिशत पूर्णरुपमा भ्याक्सिन लगाएकाहरुमा शुन्य दशमलव शुन्य १ प्रतिशत रहेको जनाइएको छ । गतसातामात्र मासाचुसेट्समा पूर्णरुपमा भ्याक्सिन लगाएका ४६ सय ८ जनामा कोरोना संक्रमण पुष्टी भएको थियो ।
अघिल्लो साता भ्याक्सिन लगाएकाहरु संक्रमित संख्या ३१ सय ९२ रहेकोमा गतसाता यसमा ४४ प्रतिशत बृद्धि भएको हो । गतसाता भ्याक्सिन लगाएपछि पनि संक्रमित १४७ जना अस्पतालमा भर्ना भएका थिए । अघिल्लो साता यो संख्या १०६ रहेको थियो । समग्रमा पूर्णरुपमा भ्याक्सिन लगाएहरुमध्येबाट अस्पताल भर्ना हुनेदर शुन्य दशमलव शुन्य ४ प्रतिशत रहेको छ ।
मासाचुसेट्सले गत जुलाई ३१ मा भ्याक्सिन लगाएकाहरु संक्रमित संख्या ७ हजार ७ सय ३७ पुगेको जनाएको थियो । त्यसयता हरेक साता भ्याक्सिन लगाएपछि पनि संक्रमित हुनेहरुको संख्या सार्वजनिक गरिदै आएको छ । जसमध्ये सबैभन्दा धेरै गत साता संक्रमित भएका छन् ।