बिपीलाई अपदस्त गरेपछि कालो भन्डा बोक्ने नेताप्रति श्रद्धाञ्जली
प्रकाशित मिति : बैशाख २३, २०७४ शनिबार
नेपाली काँग्रेसले पार्टीका नेता एवम् पूर्वमन्त्री मार्सल जुलुम शाक्यको निधनमा भावपूर्ण श्रद्धाञ्जलि व्यक्त गरेको छ ।
नेपाल विद्यार्थी सङ्घको संस्थापक नेता शाक्यको आज बिहान ८ बजेर ४५ मिनेटमा ७७ वर्षको उमेरमा ग्राण्डी अन्तर्राष्ट्रिय अस्पतालमा निधन भएको थियो ।
काँग्रेस सभापति शेरबहादुर देउवाले स्व शाक्यको पार्थीव शरीरमा आज पार्टी कार्यालय सानेपामा पार्टीको झण्डा ओढाई उहाँप्रति भावपूर्ण श्रद्धाञ्जलि व्यक्त गर्नुभएको हो ।
स्व शाक्यको पार्थीव शरीरलाई अन्तिम श्रद्धाञ्जलिका लागि पार्टी केन्द्रीय कार्यालयमा राखिएको थियो । वरिष्ठ नेता रामचन्द्र पौडेल, महामन्त्री डा शशाङ्क कोइराला, केन्द्रीय सदस्य डा शेखर कोइराला, केवी गुरुङ, प्रकाशमान सिंह, तीर्थराम ढङ्गोल, भीमसेनदास प्रधानलगायत नेता तथा कार्यकताले स्व शाक्यप्रति श्रद्धाञ्जलि दिनुभएको थियो ।
सो अवसरमा सभापति देउवाले स्व शाक्यको असामयिक निधनले पार्टीलाई अपुरणीय क्षति पुगेको उल्लेख गर्दै प्रजातन्त्र स्थापनार्थ उहाँले पु¥याउनुभएको योगदानलाई पार्टीले उच्च सरहाना गर्छ भन्नुभयो ।
उहाँले भन्नुभयो “स्व शाक्य स्वभिमानि नेता हुुनुहुन्थ्यो, प्रजातन्त्रका निमित्त उहाँले कसैसित सम्झौता गर्नुभएन ।”
शाक्य विसं २०१७ पुस १ गते राजाले तत्कालीन प्रधानमन्त्री बिपी कोइरालालाई अपदस्त गरेपछि कालो झन्डा लिएर प्रदर्शनमा उत्रँदा जेल पर्नुभएको थियो ।
सो अवसरमा वरिष्ठ नेता पौडेलले राष्ट्रियता, प्रजातन्त्र र समाजवादका लागि शाक्यले पु¥याउनुभएको योगदान उच्च रहेको चर्चा गर्दै उहाँको निधनले काँग्रेसलाई ठूलो क्षति पुगेको छ भन्नुभयो ।
लामो समय जेल जीवन व्यतित गर्नुभएका शाक्य विसं २०४६ पछि गठन भएको अन्तरीम मन्त्रिपरिषद्का काँग्रेसबाट आपूर्र्तिमन्त्री हुनुहुन्थ्यो । रासस