Follow @khasokhasmag

ओराकललाई टिकटक किन्न आशिर्वाद दिएको ट्रम्पको भनाई, सरकारलाई ५ बिलियन डलर आउने


प्रकाशित मिति : आश्विन ३, २०७७ शनिबार

अमेरिकी राष्ट्रपति डोनाल्ड ट्रम्पले अमेरिकन कम्पनी ओराकललाई टिकटक किन्न आशिर्वाद दिएको बताएका छन् । ट्रम्पले टिकटक किन्ने ओराकलको सहमतिलाई स्वीकृत गरेका हुन् ।

टिकटकसँगको सहमतिलाई अन्तिम रुप दिन अब एकसाताको समय दिइएको छ । ओराकलले टिकटक किनेपछि टिकटक ग्लोबल नामको नयाँ कम्पनी स्थापना गरिनेछ । जुन कम्पनीले अमेरिकी सरकारलाई नयाँ स्वास्थ्य फण्ड स्थापना गर्नका लागि ट्याक्स रकमका ५ बिलियन डलर प्रदान गर्नेछ ।

उक्त सहमतिबाट रकम आउनुपर्ने मागलाई यसलाई सन्तुष्ट पार्ने बताएका छन् । ओराकलले १२ दशमलव ५ प्रतिशत किन्ने र वालमार्टले ७ दशमलव ५ प्रतिशत किन्ने योजना रहेको छ । वालमार्टका सीईओले टिकटक ग्लोबलको बोर्ड सदस्यका रुपमा काम गर्नेछन् । ५ मध्ये ४ वटा बोर्डसदस्यहरु अमेरिकन रहनेछन् ।

यसैबीच टिकटकले पनि ओराकलसँगको सहमति स्वीकार गर्दै अब टिकटकको अमेरिकाका डाटाहरु ओराकलले सम्हाल्ने बताएको छ । ओराकलले नै यसको कम्प्युटर प्रणाली सुरक्षित गर्ने भएको छ । ओराकलले पनि टिकटकको प्रणाली शीघ्र आफ्नो क्लाउडमा हाल्ने बताएको छ ।

ओराकलसँग टिकटकको श्रोतकोडमा पूर्ण पहुँच हुनेछ । कम्पनीको चाइनिज मुल कम्पनीले कुनै चोरबाटो प्रयोग गरेर डाटामा जासुसी गर्न नपाउनेगरी ओराकलले पहुँच कायम गर्ने भएको छ ।

टिकटक ग्लोबलको मुख्यालय टेक्सासमा खोल्ने सम्भावना रहेको छ । कम्तीमा २५ हजारलाई रोजगार दिएर मुख्यालय स्थापना हुने जनाइएको छ । टिकटकले पनि थप १५ हजार कर्मचारीहरु राख्ने बताएको छ । अमेरिकामा १० हजार जना कर्मचारी राख्ने टिकटकले यसअगाडि नै प्रतिबद्धता जनाइसकेको छ ।

यसैबीच अमेरिकाको कमर्श डिपार्टमेन्टले टिकटकमाथिको प्रतिबन्ध एकसाता पछाडि सारेको जनाएको छ ।

अमेरिकामा टिकटकका झण्डै १ सय मिलियन प्रयोगकर्ताहरु रहेका छन् । वीच्याटबारे भने कुनै सहमति नभएकाले बन्द गरिने जनाइएको छ । आइतबारदेखि नै वीच्याट सम्बन्धित इन्टरनेट ट्राफिक होस्ट वा ट्रान्सफर गर्नुसमेत गैरकानुनी हुनेछ ।

© 2022 KHASOKHAS®. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com