तीनसाताको ९ सय डलर पठाइसकेपछि अर्को ९ सयका लागि न्युयोर्कबासीलाई इमेल पठाउन सुरु
प्रकाशित मिति : आश्विन ३, २०७७ शनिबार
न्युयोर्क डिपार्टमेन्ट अफ लेवरले पहिलो तीनसाताको ९ सय डलर पठाइसकेपछि अर्को तीनसाताको रकम पठाउन आवेदकहरुलाई इमेल पठाउन सुरु गरेको छ । पहिले नै योग्य भइसकेकाहरुलाई योग्य भएको सुचनासहित र पुन प्रमाणिकरण गर्नुपर्नेहरुलाई डकुसाइनमार्फत इमेल पठाउन सुरु गरिएको छ ।
पुन प्रमासणकरण गर्नुपर्नेहरुलाई अगस्त २३, अगस्त ३० र सेप्टेम्बर ६ को हप्ताका लागि प्रमाणिकरण गर्न डकुसाइनमार्फत इमेल पठाइएको छ । साप्ताहिक ३ सय डलरका लागि योग्य हुनका लागि कोरोना महामारीका कारण काम गुमाएको हुनुपर्ने प्रावधान रहेको छ । कोरोना महामारीबाहेक अन्य कारणले काम गुमाएर बेरोजगार विमा रकम लिइरहेकाहरु यो रकमका लागि योग्य हुँदैनन् ।
डकुसाइनमार्फत इमेल पठाएकाहरुलाई छिटो प्रमाणिकरण गरेर फिर्ता पठाउन सुझाव दिइएको छ । उनीहरुले ८३३ ४९१ ०६३२ मा फोन गरेर पनि प्रमाणिकरण गर्नसक्नेछन् ।
पहिले नै योग्य भइसकेकाहरु र सेप्टेम्बर २२ को मंगलबार बेलुका ५ बजेसम्म प्रमाणिकरण गर्नेहरुले अगस्त २३, अगस्त ३० र सेप्टेम्बर ६ को हप्ताका लागि पनि अर्को एकमुष्ठ ९ सय डलर आगामी साता पाउनेछन् । अरुका लागि भने ढिलो हुनसक्नेछ ।
न्युयोर्कमा राष्ट्रपति डोनाल्ड ट्रम्पको कार्यकारी आदेशले तय गरेको साप्ताहिक ३ सय डलर झण्डै साढे २२ लाख काम गुमाएकाहरुलाई एकमुष्ठ ९ सयका दरले रकम पाइकसका छन् । अगस्त २, अगस्त ९ र अगस्त १६ को हप्ताको तीनसय डलरका दरले एकमुष्ठ ९ सय डलर पठाइएको हो ।
कोरोनाको महामारी सुरुभएयता न्युयोर्क राज्यले बेरोजगारी विमा र महामारी बेरोजगारी सहायताबापत साढे ४४ बिलियन डलर न्युयोर्कबासीलाई वितरण गरिसकेको छ ।
अगस्त २३, ३० र सेप्टेम्बर ६ को साताको रकम पाउनका लागि २१ लाख न्युयोर्करहरु पहिले नै योग्य रहेको र उनीहरुले कुनै कदम चाल्नु नपर्ने न्युयोर्क डिपार्टमेन्ट अफ लेवरले जनाएको छ । झण्डै १ लाख ५७ हजारजना अगस्त २ देखि सेप्टेम्बर ६ सम्मको साताका लागि अतिरिक्त साप्ताहिक ३ सय पाउन योग्य रहेको तर उनीहरुले कोरोनाका कारण काम गुमाएको प्रमाणिकरण नगरेको जनाइएको छ ।
झण्डै २३ हजार ७ सय जना अगस्त २३, अगस्त ३० र सेप्टेम्बर ६ को एकवा त्यो भन्दा बढी हप्ताका लागि साप्ताहिक ३ सय प्राप्त गर्न योग्य रहेको जनाइएको छ । तर उनीहरु अगस्त२, अगस्त ९ र अगस्त १६ को हप्तामा बेरोजगार नभएकाले ती साताहरुको रकम भने पाउन नसक्ने जनाइएको छ ।