KHASOKHAS ON GOOGLE NEWS Fact Checking Stories of Hope Resource Center Donate to Khasokhas KHASOKHAS MAGAZINE Terms of Service/Privacy Policy (English)

अब अमेरिकामा लक्षण नदेखिएका तर संक्रमितको नजिक गएकाहरुले पनि कोरोना परीक्षण गराउनुपर्ने

प्रकाशित मिति : आश्विन २, २०७७ शुक्रबार

अमेरिकन सीडीसीले आफ्नो निर्देशिकामा परिवर्तन गर्दै लक्षण नदेखिएका तर संक्रमितको नजिक गएकाहरुले पनि कोरोना परीक्षण गराउनुपर्ने जनाएको छ । यसअगाडिको सीडीसीको निर्देशिकामा संक्रमितको नजिकको सम्पर्कमा गएका व्यक्तिलाई लक्षण नदेखिएमा परीक्षण गर्नुनपर्ने जनाइएको थियो ।

सीडीसीले शुक्रबार पुरानो निर्देशिकामा भएको प्रावधान उल्टाएको हो । अघिल्लो प्रावधानमा नजिकको सम्पर्कमा गएकाहरुले समेत परीक्षण गराउनु नपर्ने उल्लेख भएकोमा सर्बत्र आलोचना भएको थियो । चर्को आलोचनापछि सीडीसीले निर्देशिकामा परिवर्तन गरेको हो ।

जनस्वास्थ्य विज्ञहरुले सीडीसीको निर्देशिकामा गरिएको परिवर्तनको स्वागत गरेका छन् । संक्रमितको नजिकको सम्पर्कमा गएका व्यक्तिले समेत लक्षण नदेखिंदा समेत कोरोना फैलाउनसक्ने विभिन्न शोधहरुले देखाइसकेका छन् ।

यसअगाडिको निर्देशिका अगस्त २४ मा प्रकाशित गरिएको थियो । त्यसको झण्डै तीनसातापछि निर्देशिकामा परिमार्जन गरिएको हो । सीडीसीको विगतको गाइडलाइनमा संक्रमितको नजिक गएकाहरुमा लक्षण नदेखिएमा परीक्षण गर्नु नपर्ने बताइएपनि सरुवा रोग समाज अमेरिका लगायतका विभिन्न संघ संस्थाले लक्षण नदेखिएकाहरुलाई पनि परीक्षण गराउन आग्रह गर्दै आएका थिए ।

कोरोना संक्रमण पुष्टी भएका तर लक्षण नभएकाहरुको संख्या पनि किनै उच्च रहेको छ । त्यस्ता व्यक्तिले आफूलाई संक्रमण भएको थाहा नपाइकनै अरुलाई संक्रमण फैलाइरहेको पाइएको छ ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Resource Person: Bishwa Bahadur Shah
Goodwill Ambassador: Yam Baral
Magazine Layout: Deel Gurung

Contact Us

© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com