Follow @khasokhasmag

आइतबारदेखि अमेरिकामा टिकटक र वीच्याट डाउनलोड गर्न नमिल्ने


प्रकाशित मिति : आश्विन २, २०७७ शुक्रबार

अन्तत आइतबारदेखि अमेरिकामा टिकटक र वीच्याटमा प्रतिबन्ध लाग्ने भएको छ । अमेरिकन कम्पनीले टिकटक किन्ने कुनै पनि सम्झौता हुन नसकेपछि आइतबारबाट टिकटकमा प्रतिबन्ध लाग्ने निश्चित भएको हो ।

राष्ट्रपति डोनाल्ड ट्रम्पको कार्यकारी आदेश अनुशार अमेरिकाको कमर्श डिपार्टमेन्टले टिकटकमाथिको प्रतिबन्धको कार्यान्वयन आइतबारदेखि गर्न लागेको हो । डिपार्टमेन्टले आइतबारदेखि टिकटक डाउनलोड गर्न र एप्लीकेशन स्टोरमा राख्न समेत प्रतिबन्ध लगाउने स्पष्ट पारेको छ ।

यसबारेमा गुगल र एप्पललेभने अहिलेसम्म केही बताएका छैनन् । पहिले नै एप्लीकेशन डाउनलोड गरिसकेकाहरुले चलाउनसक्ने र अपडेट गर्न खोजेमा बन्द हुनसक्ने जनाइएको छ । आइतबार रातीदेखि सुधारिएको, अपडेट गरिएको र मर्मत गरिएको एप्लीकेशनमा पहुँच नहुने कमर्श डिपार्टमेन्टका सेक्रेटरी विल्वर रोसले स्पष्ट पारेका छन् ।

आइतबारदेखि नै वीच्याट सम्बन्धित इन्टरनेट ट्राफिक होस्ट वा ट्रान्सफर गर्नुसमेत गैरकानुनी हुनेछ । तर इन्टरनेट ट्राफिक होस्ट वा ट्रान्सफरमा टिकटकमा भने नोभेम्बर १२ सम्म प्रतिबन्ध लाग्नेछैन । अर्थात् पहिले नै डाउनलोड गरेकाहरुले नोेभेम्बर १२ सम्म टिकटक चलाउन सक्नेछन् ।

अहिले अमेरिकन कम्पनी ओराकलले टिकटक किन्नेबारेमा छलफल चलिरहेको छ । उक्त सम्झौतको टुंगो लगाउने डेडलाइन नोभेम्बर १२ सम्म दिइएको छ ।

अमेरिकामा टिकटकका झण्डै १ सय मिलियन प्रयोगकर्ताहरु रहेका छन् । टिकटक र वीच्याटले यस्ता प्रतिबन्धहरुको विरोध गरेका छन् ।

© 2022 KHASOKHAS®. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com