उपराष्ट्रपति उम्मेदबारमा जो बाइडेनले छाने कमलालाई
प्रकाशित मिति : श्रावण २७, २०७७ मंगलबार
डेमोक्रेटिक पार्टीका तर्फबाट अमेरिकाको उपराष्ट्रपति उम्मेदबारमा राष्ट्रपति उम्मेदबार जो बाइडेनले कमला ह्यारिसलाई छनौट गरेका छन् । चुनाव जितेको खण्डमा कमला ह्यारिस पहिलो एसियन अमेरिकन र अश्वेत अमेरिकी उपराष्ट्रपति हुनेछन् । साथै पहिलो महिला उपराष्ट्रपति समेत हुनेछिन् ।
I have the great honor to announce that I’ve picked @KamalaHarris — a fearless fighter for the little guy, and one of the country’s finest public servants — as my running mate.
— Joe Biden (@JoeBiden) August 11, 2020
डेमोक्रेटिक प्राइमरीमा अमेरिकी राष्ट्रपतिका लागि उम्मेदवारी दिएकी कमला ह्यारिस चुनावी दौडका क्रममा मैदान छाडेकी थिइन् । ५५ बर्षीय कमला ह्यारिस क्यालिफोर्नियाबाट अमेरिकी संसदमा प्रतिनिधित्व गर्ने सिनेटर समेत हुन् ।
.@JoeBiden can unify the American people because he’s spent his life fighting for us. And as president, he’ll build an America that lives up to our ideals.
I’m honored to join him as our party’s nominee for Vice President, and do what it takes to make him our Commander-in-Chief.
— Kamala Harris (@KamalaHarris) August 11, 2020
कमला ह्यारिसले बाइडेनको चुनावी सहयात्रीका रुपमा अगाडि बढ्नु आफ्नालागि गर्वको कुरा रहेको बताएकी छिन् । बाइडेन र ह्यारिसले बुधबार बाइडेनको गृहक्षेत्रमा सम्बोधन गर्ने कार्यक्रम समेत रहेको छ ।
यसरी हुन्छ अमेरिकामा राष्ट्रपति चुनाव
अमेरिकी चुनावमा मतदान गर्न योग्य अमेरिकीहरुले इलेक्टोरल मतका लागि इलेक्टरहरु छान्नका लागि अमेरिकी इलेक्टोरल कलेजका सदस्यहरुका लागि मतदान गर्दछन् । त्यस्ता इलेक्टरहरुले पहिले नै आफूले कुन उम्मेदवारका लागि मतदान गर्ने भन्ने सार्वजनिक गरिसकेका हुन्छन् । जनताबाट छानिएका इलेक्टरहरुले राष्ट्रपति र उपराष्ट्रपतिका लागि इलेक्टोरल मतदान गर्दछन् । मतदानपछि पूर्ण बहुमतप्राप्त उम्मेदवारलाई विजेता घोषणा गरिन्छ ।
यदि राष्ट्रपतिका लागि कसैले पनि पूर्ण बहुमत प्राप्त गर्न नसकेको खण्डमा प्रतिनिधीसभाले राष्ट्रपति छान्ने र उपराष्ट्रपतिका लागि कसैले पनि पूर्ण बहुमत प्राप्त गर्न नसकेमा सिनेटले उपराष्ट्रपति छान्ने व्यवस्था रहेको छ । जम्मा ५३८ इलेक्टोरल मतमध्ये विजेता हुनका लागि कम्तीमा २७० मतको आवश्यकता पर्छ ।
५० वटा राज्य र वासिंटन डिसीबाट जनसंख्याको अनुपातको आधारमा ५३८ इलेक्टोरल मतको तय गरिएको छ । धेरैजसो अमेरिकी राज्यले प्राय एउटै दलका उम्मेदवारहरुलाई जिताउने गरेपनि फ्लोरिडा, पेन्सिलभेनिया र ओहायोको महत्व भिन्न रहेको छ । यी राज्यहरुले राष्ट्रपतीय चुनावमा आफ्नो अभिमत बदल्दै आएका छन् । तीनको निर्णयले सबै चुनावी परिणाम बदल्न सक्ने भएकाले यी तीन राज्यलाई विशेष महत्वका साथ हेर्ने गरिन्छ ।
सन् २०१२ को राष्ट्रपतीय चुनावमा बराक ओबामाले ३३२ इलेक्टोरल मत प्राप्त गरेका थिए भने मिट रोम्नीले २०६ इलेक्टोरल मत प्राप्त गरेका थिए । सन् २००८ को राष्ट्रपतीय चुनावमा भने ओबामाले ३६५ इलेक्टोरल मत प्राप्त गरेका थिए । त्यतीबेला उनका प्रतिस्पर्धी जोन म्याकनले १७३ इलेक्टोरल मत प्राप्त गरेका थिए । सन् २०१२ को चुनावसम्म आइपुग्दा ओबामाको लोकप्रियता कम भएको थियो ।