उबर र लिफ्ट चालकलाई कन्ट्रयाक्टरका रुपमा बगिकृत नगर्न अदालतको आदेश
प्रकाशित मिति : श्रावण २६, २०७७ सोमबार
क्यालिफोर्नियाका न्यायाधिसले उबर र लिफ्टलाई आफ्ना चालकहरुलाई स्वतन्त्र कन्ट्रयाक्टरका रुपमा बगिकृत नगर्न प्राथमिकत आदेश जारी गरेका छन् । उक्त आदेश १० दिनपछि लागु हुनेछ ।
उबर र लिफ्टले चालकहरुलाई कार्मचारीका रुपमा नभई स्वतन्त्र कन्ट्रयाक्टरका रुपमा बगिकृत गरेर पूर्णकालिन कामदारका रुपमा दिनुपर्ने सेवासुविधाको जिम्मेबारीबाट मुक्त रहँदै आएका थिए । सान फ्रान्सिस्को, लस एन्जलस र सान डिएगोसहित क्यालिफोर्नियाका महान्याधिवक्ताले अदालतले समक्ष उक्त आदेशको माग गरेका थिए ।
राज्यको नयाँ नियमले गिग वर्करलाई पूर्णकालिन कामदारका रुपमा बर्गिकृत गर्ने प्रावधान ल्याएपनि उबर र लिफ्टले आफ्ना चालकहरु स्वतन्त्र कन्ट्रयाक्टरका रुपमा रहेको तर्क गर्दै नियमको विरोध गरेका थिए । उबर र लिफ्टले अदालतको आदेशबिरुद्ध पुनरावेदन जाने बताएका छन् ।
अमेरिकामा ठूलो संख्या नेपाली उबर चालकहरु रहेका छन् । न्युयोर्कमा नेपाली उबर चालकहरुको संख्या सबैभन्दा उल्लेख्य रहेको छ । उनीहरुले बेरोजगारी विमा रकम लिंदा गिग वर्करका रुपमा वा स्वतन्त्र कन्ट्रयाक्टरका रुपमा बगिकृत गर्दै आएका छन् ।
स्वतन्त्र कन्ट्रयाक्टरका रुपमा रहँदा उनीहरुप्रति उबरको खासै जिम्मेबारी हुँदैन । तर गिग वर्करलाई कामदारका रुपमा स्वीकार्ने कतिपय राज्यका नियमका कारण उबर र लिफ्ट अप्ठ्यारोमा परेका छन् । किनभने कामदारका रुपमा रहँदा सेवा सुविधाका सन्दर्भमा उनीहरुप्रतिको अतिरिक्त जिम्मेबारी हुनेगर्छ ।