पत्रकार सम्मेलनमा बोल्दाबोल्दै सुरक्षा एजेन्टको सुझावमा ट्रम्पले छाडे पोडियम
प्रकाशित मिति : श्रावण २६, २०७७ सोमबार
कोरोना भाइरसबारेको पत्रकार सम्मेलनमा बोल्दा बोल्दै सुरक्षा एजेन्टको सुझावमा ट्रम्पले पोडियम छाडेका छन् । ट्रम्प बोल्दाबोल्दै सुरक्षा एजेन्टले तत्काल बाहिर निस्कनुपर्ने बताएपछि ट्रम्प वाक्य पुरा नगरिकनै बाहिरिएका छन् ।
‘हामी यहाँबाट बाहिर निस्कदैछौं’ – सुरक्षा एजेन्टले ट्रम्प बोल्दाबोल्दै भने । ट्रम्पले नबुझेर सोधेका छन् – ‘एक्सक्युज मी ?’
त्यसपछि एजेन्टले भनेको सुन्न सकिन्छ – ‘बाहिर निस्कनुस् ।’
‘ओह’ यति भन्दै ट्रम्पले तुरुन्तै पोडियम छाडेका छन् ।