फेसबुकले पहिलोपटक हटायो ट्रम्पको पोस्ट
प्रकाशित मिति : श्रावण २१, २०७७ बुधबार
फेसबुकले अमेरिकी राष्ट्रपति डोनाल्ड ट्रम्पको फेसबुक पोस्ट हटाएको छ । कोरोना भाइरसबारे गरेको पोस्टलाई फेसबुकले पहिलो पटक हटाएको हो । ट्रम्पको पोस्टले गलत सुचना प्रवाह गरेको भन्दै फेसबुकले पोस्ट हटाएको हो ।
ट्रम्पले स्टाटसको साथमा फक्स न्युज च्यानललाई दिएको अन्तरवार्ताको एक भिडियो क्लिप पनि राखेका थिए । त्यो भिडियोमा ट्रम्पले कोरोना भाइरसबाट बालबालिकाहरु लगभग सुरक्षित रहेको बताएका थिए ।
फेसबुकका प्रवक्ताले भने, ‘यो भिडियोमा कोभिड–१९ को विषयमा गलत दाबी गरिएको छ र यो हाम्रो नीतिको उल्लंघन हो । हामी कोरोनाभाइरसको संक्रमणको विषयमा गलत सूचना फैलाउने विरुद्ध छौं ।’ यसबारे ह्वाइट हाउसले कुनै प्रतिक्रिया जनाएको छैन । –एजेन्सी