अमेरिकाका अनुसन्धानकर्ताहरुको नयाँ तथ्य, कोरोना भाइरस कानमा पनि
प्रकाशित मिति : श्रावण ११, २०७७ आईतबार
अमेरिकाका अनुसन्धानकर्ताहरुले कोरोना भाइरस सम्बन्धी नयाँ तथ्य पत्ता लगाएका छन् । बैज्ञानिकहरुले गरेको अनुसन्धानमा कोरोना भाइरसले मानिसको कान र मेस्टोयड हड्डीलाई पनि संक्रमण गराउन सक्ने तथ्य फेला पारेका हुन् । अमेरिकाका अनुसन्धानकर्ताहरुले तीन केसमा यस्तो तथ्य फेला पारेका छन् ।
उनीहरुले गरेको काेराेनाबाट ज्यान गएका ३ मृत शरीबाट अनुसन्धान गरेकाे बताइएको छ । सो क्रममा तीनै मृतकहरुको दुवै कान र पछाडिका भागमा पनि कोरोना संक्रमण पाइएको थियो ।
उनीहरुको निष्कर्षसँगै अमेरिकाका रिसर्चर जोन ह्ययापकिन्स स्कूल अफ मेडिसिन्सका शोधकर्ताहरुले कोरोनाको लक्षण देखिएका मानिसको कानको परीक्षण पनि हुनुपर्नेछ ।
उनीहरुले एक युवती, र दुई बृद्धको शव लाई परीक्षण गरेकामा यो तथ्य फेला परेको हो । काेराेना भाइरस संक्रमणबाट हालसम्म विश्वभर साढे ६ लाख मानिसकाे ज्यान गइसकेकाे छ । अमेरिकामा नै सबैभन्दा धेरैकाे काेराेनाबाट ज्यान गएकाे छ ।