युरोपेली सीमा १४ राष्ट्रका लागि खुला
प्रकाशित मिति : असार १८, २०७७ बिहीबार
![](https://i0.wp.com/www.khasokhas.com/wp-content/uploads/2020/07/818027f7d79748eb9f5c892336cb48db-818027f7d79748eb9f5c892336cb48db-3dba74b2b9544e90bf9bbbb8f153e508.jpg?fit=1800%2C1200&ssl=1)
युराेपेली सङ्घले १४ राष्ट्रका पर्यटकका लागि सीमा खुला गरेको छ । सूचीमा अमेरिकी पर्यटकले अझै कम्तिमा दुई साता पर्खिनुपर्ने सङ्घले जनाएको छ । अमेरिकामा कोरोना सङ्क्रमणको रफ्तार बढिरहँदा युराेपेली सङ्घले अमेरिकी नागरिकको युराेप भ्रमणमा लगाएको प्रतिबन्ध यथावत राखेको छ ।
विश्वका अन्य ठूला राष्ट्रहरू रुस, ब्राजिल र भारतीय नागरिकले पनि तात्काल युराेप भ्रमण गर्न पाउने छैनन् । कोरोनाभाइरस सङ्क्रमणले आर्थिक स्थिति नराम्ररी प्रभावित भएको ग्रीस, इटाली र स्पेनले भने अन्तर्राष्ट्रिय पर्यटन सञ्चालनका लागि दबाब दिदै आएको छ ।
वार्षिकरुपमा औसतमा एक करोड ५० लाखभन्दा बढी अमेरिकी नागरिक युराेपे भ्रमण गर्दै आएका छन् । करीब एक करोड युराेपेली नागरिक अमेरिका भ्रमण गर्ने गरेका छन् ।त्यसैगरी, युराेपेली सङ्घले चिनियाँ नागरिकको आगमन खुला हुनुभन्दा अघि चीनले युराेपेली नागरिकको आगमन खुला गर्नुपर्ने शर्त राखेको छ ।
सङ्घले प्रत्येक १४ दिनमा युराेप भ्रमण गर्न पाउने राष्ट्रको सूची अद्यावधिक गर्दै आएको छ । युराेपेली सङ्घ अन्तगर्तका २७ राष्ट्रसँगै थप गरिएको १४ राष्ट्रमा अल्जेरिया, अष्ट्रेलिया, क्यानाडा, जर्जिया, जापान, मोन्टेनेग्रो, मोरक्को, न्युजिल्याण्ड, रुवाण्डा, दक्षिण कोरिया, थाइल्याण्ड, ट्युनिसिया र ऊरुग्वे रहेको छ ।