चीनिया यात्रुवाहक विमानलाई जुन १६ पछि अमेरिका आउन जान प्रतिबन्ध
प्रकाशित मिति : जेष्ठ २१, २०७७ बुधबार
अमेरिकाले चीनिया यात्रुवाहक विमानलाई जुन १६ पछि अमेरिका आउन जानमा प्रतिबन्ध लगाएको छ । अमेरिकी सरकारको एभिएसन एण्ड इन्टरनल अफेयर्सका एसिस्टेन्ट सेक्रेटरीले एक आदेश जारी गर्दै चीनका यात्रुबाहक विमानलाई अमेरिका आवतजावतमा प्रतिबन्ध लगाएका हुन् ।
अमेरिकाका यात्रुवाहक विमानहरुलाई दुईपक्षीय अधिकारको अभ्यासको अनुमति प्रदान गर्नमा चीन असफल भएको तथा अमेरिकी यात्रुवाहक विमानको अनुरोधलाई चीन सकारले स्वीकार नगर्नु हवाई यातायात सहमतिको विपरित रहेको भन्दै चीनका यात्रुवाहक विमानमाथि प्रतिबन्ध लगाइएको हो । अमेरिकाका यात्रुवाहक विमान कम्पनीहरुले चीनको उडान सुचारु गर्नका लागि स्वीकृति मागेकोमा चीनले यस्तो स्वीकृति नदिएपछि चीनिया यात्रुवाहक विमानका उडान रोकिएको हो ।
China has failed to permit U.S. carriers to exercise their bilateral rights to conduct passenger air service to China. The Chinese government’s failure to approve their requests is a violation of our Air Transport Agreement.
— TransportationGov (@USDOT) June 3, 2020
यो आदेशपछि चीनका एयर चाइना, चाइना इस्टर्न, चाइना साउदर्न, हाइनान एयरलाइन्स, शिचुवान एयरलाइन्स र जियामेन एयरलाइन्सले अमेरिकामा उडान गर्न नपाउने भएका छन् । अमेरिकाका डेल्टा र युनाइटेड एयरलाइन्सले चीनमा उडान भर्नका लागि अनुमति मागेका थिए । तर चीनले भने त्यस्तो अनुमति दिएको छैन । महामारीका बेलामा पनि चीनिया यात्रुवाहक विमान भने अमेरिकामा आवतजावत गरिरहेका छन् ।
Today the U.S. Department of Transportation issued an order suspending the scheduled passenger flights of Chinese carriers to and from the United States, effective by June 16, 2020. https://t.co/qP7BRGyZ6W
— TransportationGov (@USDOT) June 3, 2020
चीनका यात्रुवाहक विमानहरु अमेरिकामा आवतजावत गर्ने तर अमेरिकाका यात्रुवाहक विमानहरु चीन जान नदिने चीन सरकारको रवैया दुईदेशबीचको सहमति विपरित रहेको अमेरिकाको ठहर छ । यसैबीच डेल्टा एयरलाइन्सले आफूहरुको अधिकार सुनिश्चित गर्नका लागि अमेरिकी सरकारले लिएको कदमको प्रशंसा गरेको छ ।
अमेरिकाको यातायात मन्त्रालयले एउटा छुट्टै वक्तब्यमा चीनले जतिवटा अमेरिकी उडानका लागि अनुमति दिन्छ, अमेरिकाले पनि त्यति नै चीनका यात्रुवाहक विमानको उडानका लागि अनुमति दिने जनाएको छ । चीनिया विमानहरु बढीमा सातामा एकपटक अमेरिका आवतजावत गरिरहेका छन् । तर अमेरिका आवतजावत गर्ने चीनका चार्टड विमानहरुको संख्या भने उल्लेख्य रहेको छ ।