KHASOKHAS ON GOOGLE NEWS CoronaVirus Fact Checking CoronaVirus News Update CoronaVirus: Stories of Hope CoronaVirus Resource Center File UI or PUA Claim Donate to Khasokhas KHASOKHAS E-MAGAZINE

अमेरिका : अर्को राहत बिलमा बेरोजगारी सुविधाबारे परिवर्तन गर्ने तयारी

प्रकाशित मिति : जेष्ठ २१, २०७७ बुधबार

कोरोना भाइरसबारेको अर्को राहत बिलमा बेरोजगारी सुविधाबारे परिवर्तन आउनसक्ने ह्वाइट हाउसका सल्लाहकार केभिन ह्यासेटले जानकारी दिएका छन् । राष्ट्रपति डोनाल्ड ट्रम्पले अर्को राहत प्याकेजबारे नीति निर्माणको विकल्प तय गर्न बरिष्ठ अर्थविदहरुको समुहलाई भेट्ने भएका छन् । जसमा बेरोजगारी सहायतामा परिवर्तन ल्याउनेबारे छलफल हुने जनाइएको छ ।

केयर्स एक्टले आगामी जुलाईको अन्त्यसम्म बेरोजगारी विमा वा महामारी बेरोजगारी सहायताका लागि योग्य हुनेलाई अतिरिक्त साप्ताहिक ६ सय डलर दिने व्यवस्था गरेको छ । तर रिपब्लिकनहरुले यसरी रकम दिंदा कामदारहरु काममा फर्कनका लागि प्रेरित नहुने तर्क गर्दै आएका छन् ।

अहिले बेरोजगारी विमा रकम प्राप्त गरिरहेकाहरुमध्ये झण्डै दुईतिहाईले पहिलेको जागिरबाट भन्दा धेरै रकम अहिले बेरोजगारी सहायताबाट प्राप्त गरिरहेका छन् । विजनेशहरुलाई पनि आफ्ना कामदारहरु काममा फर्काउनका लागि निकै मुस्किल भइरहेको छ ।

अहिलेसम्म ह्वाइट हाउसले कस्तो प्रस्तावलाई समर्थन गर्छ भन्ने स्पष्ट छैन । तर ट्रम्पका प्रमुख आर्थिक सल्लाहकार ल्यारी कुड्लोले काममा फर्कनेहरुलाई बोनसदिने प्रस्तावलाई समर्थन गरेका छन् ।

यसैबीच रिपब्लिकन सिनेटर रोब पोर्टम्यानले काममा फर्कनेहरुलाई साप्ताहिक ४५० डलर बोनस दिने प्रस्ताव गरेका छन् । तर उनको प्रस्तावमा जुलाई ३१ सम्ममात्र बोनस दिने उल्लेख छ, जुन मितिसम्म बेरोजगार हुनेहरुले पनि अतिरिक्त साप्ताहिक ६ सय डलर प्राप्त गर्नेछन् ।

त्यस्तै टेक्सासका रिपब्लिकन सांसद केभिन ब्राडीले काममा फर्कनेहरुलाई एकमुष्ठ १२ सय डलर बोनस दिने वा दुईसाता ६ सय डलरका दरले दिने प्रस्ताव गरेका छन् । त्यस्तै ह्वाइट हाउसले पेरोल ट्याक्स कटौती गर्ने लगायतका विषयमा सोंच बनाइरहेको जनाइएको छ ।

Loading...

कोरोनाको महामारीका कारण अमेरिकामा ४ करोडले काम गुमाएको भन्दै बेरोजगारी फायल गरेका छन् । अमेरिकाको ग्रेट डिप्रेशनपछि यस्तो बेरोजगारी दर पहिलोपटक देखिएको हो ।

भिडियो हेर्नुहोस्

KHASOKHAS TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar
© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com
WP2Social Auto Publish Powered By : XYZScripts.com