न्युयोर्कमा कर्फ्यु मंगलबार पनि, बेलुका ८ बजेदेखि नै सुरु हुने
प्रकाशित मिति : जेष्ठ १९, २०७७ सोमबार
न्युयोर्क सिटीमा भोलि बेलुका ८ बजेपछि पनि कर्फ्यु लगाइने भएको छ । आज राती ११ बजेदेखि कर्फ्यु आदेश जारी गरिएकोमा न्युयोर्कका मेयर बिल ब्लाजिओले मंगलबार बेलुकाका लागि पनि कर्फ्यु आदेश जारी गरेका छन् ।
आज बेलुका ११ बजेदेखिको कर्फ्यु भोलि विहान ५ बजेसम्म कायम रहनेछ । त्यसपछि बेलुका ८ बजेदेखि पुन कर्फ्यु जारी हुनेछ ।
कर्फ्यु जारी भएको समयमा कुनै पनि व्यक्ति वा गाडी सार्वजनिक स्थलमा उपस्थीत हुन प्रतिबन्ध लगाइएको छ ।
These protests have power and meaning. But as the night wears on we are seeing groups use them to incite violence and destroy property.
Our first priority is keeping people safe, so I’m extending the curfew to Tuesday. It will begin at 8pm.
— Mayor Bill de Blasio (@NYCMayor) June 2, 2020
तर यो आदेश प्रहरी अधिकारीहरु, शान्ति अधिकारीहरु, अग्नी नियन्त्रक, मेडिकल प्राविधिकहरु, अत्यावश्यक काममा जाने र फर्कनेहरु, होमलेसहरु र औषधी तथा उपचारका खोजीमा रहेकाहरुका सन्दर्भमा लागु हुनेछैन ।
कर्फ्यु आदेशसँगै न्युयोर्क सिटीमा सडकमा प्रहरी परिचालन पनि दोब्बर पारिने भएको छ । गएराती ४ हजार प्रहरी परिचालन गरिएकोमा सोमबार राती ८ हजार बनाइने भएको छ ।
प्रहरी हिराशतमा एकजना अश्वेत व्यक्तिको मृत्युको घटनालाई लिएर अमेरिकाभर प्रदर्शन भइरहेको छ । न्युयोर्कमा पनि प्रदर्शन हिंश्रक बन्दै गएपछि कर्फ्यु आदेश जारी गरिएको हो ।
आइतबार राती न्युयोर्कको बु्रकलिन क्षेत्रमा हिंश्रक प्रदर्शन भएको थियो । तल्लो म्यानहटन र डाउनटाउन बु्रकलिनमा प्रहरी परिचालन बढाइने भएको छ ।
गएराती भएका प्रदर्शनमा न्युयोर्कमा कम्तीमा ४ सयजनालाई पक्राउ गरिएको छ । मुठभेडमा केही प्रहरी अधिकारीहरु घाइते समेत भएका छन् । झण्डै दर्जन प्रहरीका गाडीमा क्षति पुर्याइएको छ ।