न्युयोर्क सिटीमा आज राती ११ बजेदेखि कर्फ्यु
प्रकाशित मिति : जेष्ठ १९, २०७७ सोमबार
न्युयोर्क सिटीमा आज राती ११ बजेदेखि कर्फ्यु आदेश जारी गरिएको छ । भोलि विहान ५ बजेसम्मका लागि कर्फ्यु आदेश जारी गरिएको न्युयोर्कका गभर्नर एन्ड्रयु कुमोले जनाएका छन् ।
कर्फ्यु आदेशसँगै न्युयोर्क सिटीमा सडकमा प्रहरी परिचालन पनि दोब्बर पारिने भएको छ । गएराती ४ हजार प्रहरी परिचालन गरिएकोमा सोमबार राती ८ हजार बनाइने भएको छ ।
New Yorkers: I’ve spoken with @NYGovCuomo and for everyone’s safety we have decided to implement a citywide curfew in New York City tonight. It will take effect at 11pm and be lifted at 5am tomorrow morning.
— Mayor Bill de Blasio (@NYCMayor) June 1, 2020
प्रहरी हिराशतमा एकजना अश्वेत व्यक्तिको मृत्युको घटनालाई लिएर अमेरिकाभर प्रदर्शन भइरहेको छ । न्युयोर्कमा पनि प्रदर्शन हिंश्रक बन्दै गएपछि कर्फ्यु आदेश जारी गरिएको हो ।
आइतबार राती न्युयोर्कको बु्रकलिन क्षेत्रमा हिंश्रक प्रदर्शन भएको थियो । तल्लो म्यानहटन र डाउनटाउन बु्रकलिनमा प्रहरी परिचालन बढाइने भएको छ ।
गएराती भएका प्रदर्शनमा न्युयोर्कमा कम्तीमा ४ सयजनालाई पक्राउ गरिएको छ । मुठभेडमा केही प्रहरी अधिकारीहरु घाइते समेत भएका छन् । झण्डै दर्जन प्रहरीका गाडीमा क्षति पुर्याइएको छ ।