अशान्त शिकागो : सप्ताहन्तभर ८२ जनामाथि गोलीप्रहार, १९ को मृत्यु
प्रकाशित मिति : जेष्ठ १९, २०७७ सोमबार
यो सप्ताहन्त अमेरिकाको शिकागोमा यो बर्षकै सबैभन्दा हिंश्रक भएको छ । विभिन्न बन्दुक सम्बन्धी हिंशाका घटनामा ८२ जनामाथि गोली प्रहार भएको छ जसमध्ये १९ जनाको मृत्यु भएको छ ।
अधिकांशमाथि आइतबार गोली प्रहार भएको हो भने कुल घाइतेको संख्या ६३ पुगेको छ । एकातिर मिनापोलिसमा प्रहरीबाट मारिएका जर्ज फ्लोयडको हत्याको विरोधमा शिकागोमा सप्ताहन्तभर प्रर्दशन, लुटपाट र अराजकता फैलियो भने अर्कातर्फ बन्दुक हिंशाका घटनाहरु भए ।
प्रदर्शन र हिंशाका कारण शिकागोमा सयौंलाई गिरफ्तार गरिएको छ भने कर्फयु आदेश समेत जारी गर्नुपर्ने अवस्था आएको छ । शनिबार राती वेस्ट साइडको वेष्ट गार्फिल्ड पार्कमा १८ बर्षको बन्दुकधारीले अन्धाधुन्द गोली चलाएको घटना पछिल्लो भयानक घटना हो ।
शिकागो अर्को सुचना जारी नहुन्जेलसम्मका लागि बेलुका ९ बजेदेखि विहान ६ बजेसम्म कर्फयु आदेश जारी गरिएको छ । हिंश्रक प्रदर्शनहरुमा प्रहरीमाथि आक्रमणका घटनाहरु भएका छन् ।
गत हप्तापनि शिकागोमा अत्यन्तै हिंश्रक रहेको थियो । उक्त मेमोरियल सप्ताहमा भएका विभिन्न गोलीकाण्डमा १० जनाको मृत्यु भएको थियो भने ३९ जना घाइते भएका थिए । मेमोरियल सप्ताहमा यतिधेरै गोलीकाण्डका घटना भएको ५ बर्षमा यो पहिलोपटक हो ।