KHASOKHAS ON GOOGLE NEWS CoronaVirus Fact Checking CoronaVirus News Update CoronaVirus: Stories of Hope CoronaVirus Resource Center File UI or PUA Claim Donate to Khasokhas

कोरोनाका कारण काम गुमाउनेलाई जनवरीसम्म साप्ताहिक ६ सय दिनेमा रिपब्लिकनहरु असहमत

कोरोना भाइरसबारेको नयाँ राहत प्याकेजमा संघीय सरकारबाट प्राप्त हुने बेराजगारी विमा रकमको अवधि नथपिने सिनेटमा रिपब्लिकन नेता मिच म्याक्कोनेलले बताएका छन् । डेमोक्र्याट्सहरुले संघीय सरकारबाट प्राप्त हुने साप्ताहिक ६ सय डलरको संघीय महामारी बेरोजगारी क्षतिपूर्ति रकम जुलाई ३१ बाट बढाएर जनवरीसम्म दिनुपर्ने प्रस्ताव ल्याएका छन् ।

अर्को चरणमा १२ सय डलरको राहत दिने सन्दर्भमा अझै पनि दुइैदलीय सहमति भइसकेको छैन । तर डेमोक्र्याट्सहरुले हाउसबाट भने ३ ट्रिलियन डलरको बिल पारित गरिसकेका छन् । यद्यपी यो बिल सिनेटबाट पारित हुने सम्भावना भने निकै न्यून रहेको छ ।

मिच म्याक्कोनेललाई थप संघीय सहायताबारे प्रश्न गरिएको थियो । उनले जवाफमा साढे २ ट्रिलियन राहतको प्रभाव हेर्न चाहेको बताएका थिए । सिनेटमा रिपब्लिकन सांसदहरुले बेरोजगारी विमा रकमबापत संघीय सरकारबाट दिने साप्ताहिक ६ सय डलर जनवरीसम्म थप्दा मान्छेहरु कामबाट भन्दा धेरै रकम घरमै बसेर पाउन थालेपछि काममा जान छाड्ने सम्भावना रहेको बताउँदै आएका छन् ।

हाउसबाट पारित नयाँ राहत प्याकेजमा अमेरिकामा कोरोनाको महामारीबाट उत्पन्न आर्थिक संकटको सामना गर्न दोश्रोपटक सबै करदाता र नन फाइलर्सहरुलाई १२ सय डलर दिने प्रस्ताव गरिएको छ । झण्डै ३ ट्रिलियन डलरको उक्त बिलमा रिपब्लिकनहरुको सहमति नभएकाले हाउस स्पीकर न्यान्सी पेलोसीले आफूहरुले टेबलमा प्रस्ताव राखेको र मोलतोल गर्न तयार रहेको बताएकी छिन् ।

अधिकांश रिपब्लिकनहरुले यो बिललाई सिनेटमा पुग्नुअगाडि नै मृतबिलको संज्ञा दिएका थिए । रिपब्लिकन नेताहरुले जस्तो राहत ल्याएपनि दुईपक्षीय सहमतिमा ल्याउनुपर्ने बताएका छन् ।

सिनेटका रिपब्लिकन नेता मिच म्याक्कोनेलले आफूले ह्वाइटहाउसँग सल्लाह गरिरहेको र अगाडि बढ्ने भएमा दुईदलीय सहमतिका साथ अगाडि बढ्ने बताएका छन् ।१८ सय पृष्ठभन्दा लामो उक्त बिलमा काम गुमाएकाहरुलाई संघीय सरकारबाट जनवरीसम्म नै साप्ताहिक ६ सय डलर दिने उल्लेख छ ।

Loading...

१ ट्रिलियन डलर राज्य र स्थानीय सरकारहरुलाई उपलब्ध गराउने, प्रतिव्यक्ति १२ सय र परिवारलाई ६ हजार डलरसम्म पाउनेगरी दोश्रो चरणको राहत रकम करदाताको खातामा पठाउने, अत्यावश्यक कामदारका लागि २०० बिलियन डलर उपलब्ध गराउने, ७५ बिलियन कोरोना भाइरसको टेस्टमा उपलब्ध गराउने लगायतका विषयहरु बिलमा समावेश गरिएको छ ।

त्यस्तै कोरोनाको महामारीका कारण काम गुमाएहरुले संघीय सरकारबाट जुलाई ३१ सम्ममात्र साप्ताहिक ६ सय डलर पाउने वर्तमान व्यवस्था रहेकोमा त्यसलाई जनवरीसम्म लम्बाउने पनि बिलमा उल्लेख छ । भाडा, मोर्गेट र युटिलिटीमा सहायताका लागि ७५ बिलियन छुट्याउने पनि बिलमा उल्लेख गरिएको छ ।


भिडियो हेर्नुहोस्

प्रतिक्रिया दिनुहोस्

Namaste Media Inc. New York, USA

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar
© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains.
DEVELOPED BY appharu.com
WP2Social Auto Publish Powered By : XYZScripts.com