सार्वजनिक स्थानमा मास्क नलगाए कारबाही
प्रकाशित मिति : बैशाख १४, २०७७ आईतबार
कोरोना भाइरसको महामारीलाई थप फैलिन नदिन चीनले केही नयाँ नियम लागू गरेको छ । महामारीका वेला सरसफाइ कायम राख्न चीनले सार्वजनिक स्थानमा लागू हुने किसिमका केही मापदण्ड जारी गरेको हो ।
अब कुनै पनि मानिसले मुखमा हात, टिस्यु वा मास्क नराखी सार्वजनिक स्थानमा हाच्छ्युँ गरेमा कारबाही हुनेछ । सार्वजनिक स्थानमा चुरोट पिउन पनि प्रतिबन्ध गरिएको छ ।
सार्वजनिक स्थानमा मास्क नलगाई जानसमेत प्रतिबन्ध लगाइएको छ । नियम मिच्नेलाई कडा कारबाही गरिने जनाइएको छ ।
त्यस्तै, सार्वजनिक स्थानमा कपडा नलगाएर वा आधा शरीरमा मात्रै लुगा लगाएरसमेत हिँड्न प्रतिबन्ध गरिएको छ । सार्वजनिक स्थानमा थुक्न, कुकुर एवं अन्य घरपालुवा जनावर छोड्नसमेत प्रतिबन्ध गरिएको छ ।
यीलगायतका तोकिएका अन्य सार्वजनिक स्थानका मापदण्डहरू उल्लंघन गर्नेहरूलाई प्रहरीले कडा कारबाही गर्ने चिनियाँ सञ्चारमाध्यमहरूले उल्लेख गरेका छन् । (एजेन्सी )