डब्ल्यूएचओको स्रोत कटौती गर्ने समय होइन : संयुक्त राष्ट्रसंघ
प्रकाशित मिति : बैशाख ३, २०७७ बुधबार
विश्व स्वास्थ्य संगठन (डब्ल्यूएचओ)लाई सबैले सहयोग गर्न संयुक्त राष्ट्रसंघ (यूएन)का महासचिव एन्टोनियो गुथ्रेसले आग्रह गरेका छन् ।
मंगलबार प्रेस विज्ञप्ती जारी गर्दै महासचिव गुथ्रेसका प्रवक्ताले विश्वभर कोरोनाको महामारी चलिरहेको समयमा डब्ल्यूएचओको भूमिका महत्वपूर्ण हुने जनाएको छ ।
अमेरिकी राष्ट्रपति डानाल्ड ट्रम्पले डब्ल्यूएचओलाई दिँदै आएको सहयोग रोक्ने घोषणा गरेको विषयमा विश्वनै कोरोनाको महामारीमा रहेको अवस्थामा जुनसुकै मानवीय संस्था र डब्ल्यूएचओको स्रोत साधन कटौती गर्ने समय नरहेको उनले बताएका छन् ।
महासचिव गुथ्रेसले डब्ल्यूएचओको बचाउ गर्दै कुनै पनि महामारी कसरी उत्पन्न भयो ? त्यसको समाधान कसरी गर्ने ? भन्ने बुझ्न केही समय लाग्ने पनि बताए ।