अमेरिकामा कोरोना संक्रमितको संख्या ३ लाख नाघ्यो
प्रकाशित मिति : चैत्र २२, २०७६ शनिबार
अमेरिकामा कोरोना संक्रमितको संख्या ३ लाख नाघेको छ । जोन हप्कीन्स युनिभर्सिटीको तथ्यांक अनुशार अमेरिकामा कोरोना संक्रमितको संख्या ३ लाख ९ सय १५ पुगेको छ ।
अमेरिकामा मृतकको संख्या ८ हजार १ सय ६२ पुगेको छ । न्युयोर्क राज्यमामात्रै मृतकको संख्या ३५६५ पुगेको छ । न्युयोर्क सिटीमा मृतकको संख्या १९०५ रहेको छ । न्युयोर्कमा संक्रमितको संख्या १ लाख १३ हजार ८ सय ६ पुगेको छ ।
न्युयोर्कपछि सबैभन्दा धेरै संक्रमितहरु न्युजर्सीमा रहेका छन् । न्युजर्सीमा संक्रमितको संख्या ३५ हजार नजिक पुगेको छ भने मृतकको संख्या ८४६ पुगेको छ ।
मिसिगनमा संक्रमितको संख्या १२ हजार ७ सय ४४ पुगेको छ भने मृतकको संख्या ४७९ पुगेको छ । क्यालिफोर्निया र लुजियानामा पनि संक्रमितको संख्या १२ हजार नाघेको छ । क्यालिफोर्निया र लुजियानामा मृतकको संख्या २८२ र ४०९ रहेको छ ।