अमेरिका र क्यानडाबीच नाका बन्द गर्ने सहमति

खसोखास अमेरिका ब्यूरो

प्रकाशित मिति : चैत्र ६, २०७६ बिहीबार

अमेरिका र क्यानडाबीच सीमानाका बन्द गर्ने सहमति भएको छ । अमेरिकाका राष्ट्रपति तथा क्यानडाका प्रधानमन्त्री जस्टिन ट्रुडोले बढ्दो कोरोनाभाइरसको संक्रमणलाई ध्यानमा राख्दै दुई देशको सीमानाका बन्द गर्ने सहमति भएको हो । अत्यावश्यक बाहेकका अवस्थाका लागि उनीहरूले सीमानाका बन्द गर्ने सहमति गरेका हुन् ।

आपसी सहमतिमा दुई देशले अस्थायीरुपमा उत्तरी नाका बन्द गरेको अमेरिकाका राष्ट्रपति ट्रम्पले बताएका छन् । बुधबारको छलफलपछि दुबै देशले नाका बन्द गर्ने सहमति गरेका हुन् । यो सहमतिले दुबै देशबीचको व्यापारलाई भने कुनै असर नगर्ने बताइएको छ ।

क्यानडाको ७५ प्रतिशत निर्यात व्यापार अमेरिकासँग रहेको छ । दुवै देशबीच प्रतिदिन २ विलियन अमेरिकी डलर बराबरको सामान ओसारपसार हुने गरेको छ भने दैनिक २ लाख मानिसहरूको आवतजावत हुने गर्छ । मार्च यता दुवै देशमा कोरोनाभाइरसको संक्रमण बढिरहेको छ ।

अमेरिकामा हालसम्म काेराेना भाइरसबाट ८ हजार जनामा संक्रमण पुष्टि भएकाे छ भने १ सय ३८ जनाको ज्यान गइसकेको छ । यसैगरी क्यानडामा ५ सय ९८ जनालाई यसको संक्रमण पुष्टि भएको छ भने ८ जनाको मृत्यु भइसकेको छ ।

  [jetpack_subscription_form 
    title="खसोखास निशुल्क सब्सक्राइब गर्नुहोस् 🙏"
    subscribe_text="अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू  तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।"
    subscribe_placeholder="इमेल ठेगाना यहाँ प्रविष्ट गर्नुहोस्…"
    subscribe_button="सब्सक्राइब गर्न यहाँ क्लिक गर्नुहोस्"
  ]