पोर्चुगलमा एक नेपालीमा कोरोना संक्रमणपछि संगै काम गर्ने ७४ नेपाली क्वारेन्टाइनमा
प्रकाशित मिति : चैत्र ३, २०७६ सोमबार
पोर्चुगलको फारो क्षेत्रमा कृषिमा काम गर्ने एक जना नेपालीमा कोरोना संक्रमण पुष्टि भएपछि संक्रमण फैलन नदिन उनीसंगै काम गर्ने र उनको सम्पर्कमा भएका ७४ जना नेपालीलाई क्वारेन्टाइनमा राखिएको छ। एकजना बाहेक अरु नेपालीमा कोरोना संक्रमण पुष्टी भएको छैन ।
स्थानीय स्वास्थ्य प्रतिनिधि र विदेशी र सीमा हेर्ने निकाय सेफको खोजीमा त्यहाँ बस्ने नेपालीहरुलाई भेला गराइएको थियो । आइतबार बेलुकी उनीहरुलाई इन्सिनो ब्यासिको २ ३ सान्टो आन्तोनिउ फारोमा राखिएको छ ।
नेपालीहरुलाई राखिएको क्वारेन्टाइनमा टेबल, कुर्सी र बेडहरु राखिएको जनाइएको छ । त्यहाँ उनीहरुको कोरोना परीक्षण समेत गरिनेछ । त्यहाँ उनीहरुलाई कम्तीमा १४ दिन राखिने भएको छ । सबै नेपालीहरु एउटै कम्पनीमार्फत कृषिमा काम गर्दै आएको स्थानीय सञ्चारमाध्यममा जनाइएको छ ।
अहिलेसम्म पोर्चुगलमा ३३१ जनामा कोरोना संक्रमण पुष्टी भएको छ । आजमात्रै थप ८६ जनामा कोरोना संक्रमण पुष्टी भएको हो । कोरोना संक्रमणको आशंकामा त्यहाँका राष्ट्रपति समेत क्यारेन्टाइनमा रहेका छन् ।
पोर्चुगलको सरकारले कोरोना संक्रमणसँग जुध्न देशब्यापी स्टेट अफ अलर्ट जारी गरेको छ । सोमबारदेखि पोर्चुगलमा सबै विद्यालय र विश्वविद्यालयहरु बन्द भएका छन् । स्टेट अफ अलर्ट विगतमा आगलागीका बेलामा र इन्धन आपूर्तिमा अवरोधका बेलामा जारी गरिएको थियो ।
कोरोना फैलिने मुख्य माध्यम हात, उपलब्ध भएसम्म सेनिटाइजर होइन साबुन पानीको प्रयोग गर्न सुझाव
पोर्चुगलका राष्ट्रपति केहीदिनदेखि सेल्फ क्वारेन्टाइनमा रहेका छन् । पोर्चुगलमा सकभर सबैकामहरु रद्द गरेर घरभित्रै बस्न भनिएको छ ।
पोर्चुगलमा कोरोना संक्रमितको संख्या बढ्दै जाँदा त्यहाँ रहेका नेपालीहरुमा पनि त्रास बढेको छ । युरोपका देशहरुमध्ये पोर्चुगलमा नेपालीहरुको संख्या उल्लेख्य रहेका कारण उनीहरु काममा जान समेत त्रसित हुन थालेका छन् ।
विमानमा यात्रा गर्दै हुनुहुन्छ ? यसरी रहनुहोस् कोरोनाबाट सुरक्षित
कोरोना भाइरसबारे ५ हल्ला र सत्यकुरा : लिसा मारागाकिस, बरिष्ठ निर्देशक, जोन हप्किन्स मेडिसिन
फ्याक्ट चेक : यसरी फैलिन्छ कोरोना भाइरस, मास्क लगाउने र अन्यले अपनाउनुपर्ने सावधानी