बेलायतमा २१ हजार ४६० मा कोरोना परीक्षण, कुल संक्रमितको संख्या २०६
प्रकाशित मिति : फाल्गुन २४, २०७६ शनिबार

बेलायतमा अहिलेसम्म कुल २१ हजार ४६० जनामा कोरोना संक्रमण भए नभएको परीक्षण गरिएको छ । जसमध्ये २०६ जनामा कोरोना संक्रमण पुष्टी भएको छ भने २१ हजार २५४ जनामा संक्रमण नभएको पाइएको छ ।
बेलायतका स्वास्थ्य अधिकारीहरुले एक वक्तब्य जारी गर्दै यसको पुष्टी गरेका हुन् । बेलायतमा एकैदिनमा ४२ जनामा कोरोना संक्रमणको पुष्टी भएको हो । अहिलेसम्म बेलायतमा कोरोना संक्रमणबाट २ जनाको मृत्यु भएको छ ।
विश्वभर कोरोना संक्रमणबाट मृतकको संख्या ३५६२ पुगेको छ भने संक्रमितको संख्या १ लाख ५ हजार ६ सय २५ पुगेको छ । ५८ हजार ६ सय २५ जनाको भने सफल उपचार गरिसकिएको छ ।
चीनमा कोरोना संक्रमितको संख्या ८० हजार ६ सय ५२ पुगेको छ । इटलीमा एकैदिनमा १२४७ मा कोरोना संक्रमण पुष्टी भएपछि संक्रमितको संख्या ५८८३ पुगेको छ । इटलीमा अहिलेसम्म २३३ को मृत्यु भएको छ ।
त्यस्तै दक्षिण कोरियामा कोरोना संक्रमितको संख्या ७ हजार ४१ पुगेको छ । इरानमा पनि एकैदिनमा १०७६ मा संक्रमण पुष्टी भएपछि कुल संक्रमितको संख्या ५८२३ पुगेको छ ।