न्युयोर्कमा कोरोना संक्रमितको संख्या ३५, अमेरिकाका कुन राज्यमा कति ? (पछिल्लो अपडेट)
प्रकाशित मिति : फाल्गुन २३, २०७६ शुक्रबार
न्युयोर्कमा कोरोना भाइरस संक्रमितको संख्या ३५ पुगेको छ । अधिकांश संक्रमितहरु वेस्टचेस्टर काउन्टीका रहेका छन् भने अधिकांश कोरोना संक्रमित वकिलको केससँग सम्बन्धित छन् ।
न्युयोर्कको वेस्टचेस्टरमा बस्ने र म्यानहटनमा काम गर्ने एकजना वकिलमा कोरोना संक्रमण भएको पाइएपछि उनका परिवार, छिमेकी लगायतमा कोरोना संक्रमण पुष्टी भएको थियो । अहिलेसम्म न्युयोर्क सिटीभित्र २७ सय र वेष्टचेस्टरमा १ हजार जनालाई सेल्फ क्वारेन्टाइनमा बस्न भनिएको छ ।
न्युयोर्क सिटीका ९ जनासहित न्युयोर्क राज्यभरका ४४ जनालाई अनिवार्य क्वारेन्टाइनमा राखिएको छ ।
अहिलेसम्म न्युयोर्कमा संक्रमितमध्ये ४ जना न्युयोर्क सिटीका, १ जना लंग आइल्याण्डका र बाँकी सबै वेष्टचेस्टर काउन्टीका रहेको जनाइएको छ ।
न्युजर्सीमा २ जनामा संक्रमण पुष्टी भइसकेको छ भने पेन्सिलभेनियामा पनि २ जनामा संक्रमण भएको छ । मासाचुसेट्समा ८ र मेरिल्याण्डमा ३ जनामा संक्रमण भएको छ ।
नर्थ क्यारोलिनामा २, टेनेसीमा १, जर्जियामा ३, फ्लोरिडामा ४, इन्डियानामा १, इलिनोयमा ५ र विसकन्सिमा १ जनामा संक्रमण भएको छ ।
त्यस्तै टेक्सासमा बाहिर संक्रमित भएर उद्दर गरेर ल्याइएका ११ जनासहित कुल १७ मा संक्रमण भएको छ । त्यस्तै नेब्रास्कामा १३, कोलोराडोमा २, युटाहमा १, एरिजोनामा ३, नेभाडामा २ र ओरेगनमा ३ जनामा संक्रमण भएको छ ।
वासिंटन राज्यमा ७४ मा संक्रमण भएकोमा १३ जनाको मृत्यु भएको छ भने क्यालिफोर्नियामा ७४ मा संक्रमण भएकोमा १ जनाको मृत्यु भएको छ ।
अमेरिकामा २४ घण्टाको अवधिमा एकैदनिमा ४६ वटा नयाँ संक्रमण पुष्टी भएको हो । अहिलेम्म अमेरिकामा २६७ मा संक्रमण भएको जनाइएको छ ।
विश्वभर कोरोना संक्रमितको संख्या १ लाख नाघेको छ । अहिलेसम्म १ लाख १ हजार ८ सय ५८ मा सक्रमण भएको छ भने ३४६२ को मृत्यु भएको छ । ५६ हजार १ सय ८ जनाको भने सफल उपचार गरिएको छ ।