कोरोना भाइरस: इटालीमा एक दिनमै २८ जनाको मृत्यु
प्रकाशित मिति : फाल्गुन २२, २०७६ बिहीबार
पछिल्लो समय कोरोना भाइरस अर्थात कोभिड–१९ सबैभन्दा तिब्र संक्रमण इटालीमा भएको छ । बुधबार मात्रै इटालीमा २८ जनाको मृत्यु भएको विश्व स्वास्थ्य संगठन (डब्लूएचओ)ले जनाएको छ ।
बुधबार इटालीमा चीनमा भन्दा पनि धेरै नयाँ संक्रमण देखा परेको छ । बुधबार इटालीमा ५ सय ८७ जनामा संक्रमण भएको पुष्टि भएको छ भने चीनमा बुधबार एक सय ६० जनामा मात्रै नयाँ संक्रमण देखा परेको छ ।
चीन पछि सबैभन्दा बढि मृत्यु हुनेमा पनि इटाली नै पर्छ । चीनमा अहिलेसम्म तीन हजार दुई जनाको ज्यान गएकाे विश्व स्वास्थ्य संगठनले जनाएको छ । इटालीमा एक सय साता जनाको ज्यान गइसकेको छ ।
विश्व स्वास्थ्य संगठनकाे अनुसार इटालीमा अहिलेसम्म ३ हजार ९८ जनामा संक्रमण देखा परेको छ । २ सय ९५ जना जटिल अवस्थामा छन् भने २ सय ७६ जना पूर्ण रुपमा निको भएका छन् ।
काेराेनाकाे कारण विश्वभर तीन हजार दुई सय ८५ जनाले ज्यान गुमाइसकेका छन् भने ९५ हजारभन्दा ८ सय भन्दबढीमा सङ्क्रमण देखिएको छ ।
गत डिसेम्बरको अन्तिमतिर चीनको हुवानबाट फैलिएको यो भाइरस अहिले ८० भन्दा बढि मुलुकमा फैलिएको छ ।