कोरोनाको संक्रमणबाट बच्न सर्जिकल मास्क लगाउनु अर्थहिन
प्रकाशित मिति : फाल्गुन १५, २०७६ बिहीबार
कोरोनाको संक्रमणबाट बच्न मास्क लगाउनुपर्ने वा नपर्ने विषयमा अन्यौल श्रृजना भएको छ । यद्यपी कोरोना संक्रमणबाट बच्ने अपेक्षाका साथ मान्छेहरु मास्क लगाइरहेका छन् ।
धेरैले नबुझेरै मास्कको प्रयोग गर्दा विश्वका कैयन स्थानमा मास्कको अभाव हुन थालेको छ । तर अमेरिकाको रोग नियन्त्रण तथा रोकथाम केन्द्रले अमेरिकनहरुलाई सर्वाजनिक स्थलमा सर्जिकल मास्क लगाउन सिफारिस गरेको छैन ।
सर्जकल मास्कले केवल स्वासप्रस्वासबाट हुने संक्रमणबाट रोक्नसक्ने भएपनि हवायुक्त संक्रमणलाई रोक्न नसक्ने भएकाले कोरोनाबाट बच्न सर्जिकल मास्कको प्रयोग प्रभावहिन भएको केन्द्रले जनाएको छ ।
यदि आफू बिरामी छैन र बिरामीसँग निकट जानुपर्ने अवस्था छैन भने मास्कको प्रयोग आवश्यक नभएको न्युयोर्क टाइम्समा प्रकाशित लेखमा समेत जनाइएको छ । बिरामी व्यक्तिका लागिमात्र मास्कको आवश्यकता पर्ने र मास्कका प्रकार पनि अलग अलग हुने भएकाले कुन मास्क प्रयोग गर्ने भन्ने सन्दर्भमा सचेत हुनुपर्ने जनाइएको छ ।
मास्कका प्रकारबारे अमेरिकाको रोग नियन्त्रण तथा रोकथाम केन्द्रले पनि आफ्नो वेवसाइटमा स्पष्ट पारेको छ । दुईप्रकारका मास्कको फरकबारे जान्न यहाँ क्लिक गर्नुहोला ।
कोरोनाको संक्रमणबाट अहिलेसम्म विश्वभर २८ सय भन्दा धेरैको मृत्यु भइसकेको छ । संक्रमितको संख्या पनि ८२ हजार नाघेको छ । दक्षिण कोरियामामात्र कोरोना संक्रमितको संख्या १७ सय नाघेको छ ।