दक्षिण कोरियामा झण्डै १६ सयमा कोरोना संक्रमण, १२ को मृत्यु, आफ्ना नागरिकलाई यात्रा नगर्न अमेरिकाको चेतावनी
प्रकाशित मिति : फाल्गुन १४, २०७६ बुधबार
Korean Air employees are seen at Los Angeles International Airport (LAX) wearing masks, to prevent the coronavirus infection,COVID-19 on February 12, 2020. – The UN health agency on Wednesday cautioned it was “way too early” to say whether COVID-19 might have peaked or when it might end, following a drop in the number of new cases. (Photo by Daniel SLIM / AFP) (Photo by DANIEL SLIM/AFP via Getty Images)
दक्षिण कोरियामा झण्डै १६ सयमा कोरोना भाइरसको संक्रमण पुष्टी भएको छ । अहिलेसम्म त्यहाँ कोरोनाको संक्रमणबाट १२ जनाको को मृत्यु भइसकेको छ ।
यसैबीच अमेरिकाले ट्राभल एड्भाइजरी प्रकाशित गर्दै आफ्ना नागरिकहरुलाई सकभर दक्षिण कोरियाको यात्रा नगर्न चेतावनी दिएको छ । ट्राभल एड्भाइजरी दोश्रोबाट तेश्रो लेभलमा बढाइएको हो ।
दक्षिण कोरिया जाने योजनामा रहेका अमेरिकनलाई पुनविचार गर्न सुझाव दिइएको छ । साथै अत्यन्तै आवश्यक बाहेक अन्य प्रयोजनका लागि यात्रा नगर्न सुझाव दिइएको छ ।
यदि कोरोना भाइरस संक्रमणको आशंका भएमा यात्रामा ढिलो हुनसक्ने, परीक्षणमा पर्न सकिने र असाध्यै महँगो उपचार खर्च लाग्ने समेत चेतावनी दिइएको छ । दक्षिण कोरिया जानेहरुलाई हात नधोई आँखा, नाक र मुख नछुन, सावुन पानीले कम्तीमा २० सेकेण्ड हात धुन, अक्कोहोलयुक्त ह्याण्ड स्यानिटाइजर प्रयोग गर्न सुझाव दिइएको छ ।
अहिलेसम्म विश्वभर कोरोना भाइरसको संक्रमणबाट २८ सय भन्दा धेरैको मृत्यु भएको छ । विश्वभर ८१ हजार ७ सयमा संक्रमण पुष्टी भएको छ ।
कोरोनाको संक्रमणकै कारण अमेरिका र दक्षिण कोरियाबीचको सैन्य अभ्यास पनि स्थगित गरिएको छ । कोरोनाको संक्रमणबाट इरानमा अहिलेसम्म १९ को मृत्यु भएको छ भने जापानमा ७ जनाको मृत्यु भएको छ ।