कोरोना भाइरस संक्रमणका कारण मृतकको संख्या १ हजार नाघ्यो
प्रकाशित मिति : माघ २७, २०७६ सोमबार
चीनमा कोरोना भाइरसको संक्रमण झन् घातक बन्दै गइरहेको छ । कोरोना संक्रमणबाट मृतकको संख्या १ हजार नाघेको छ ।
विश्वभर अब कोरोना भाइरसका कारण ज्यान गुमाउनेहरु १ हजार १६ पुगेका छन् ।
हिजोमात्र चीनमा कोरोना भाइरसको संक्रमणबाट एकैदिनमा ९७ को ज्यान गएको थियो ।आइतबारमात्र भाइरस संक्रमणबाट चीनमा ८९ जनाको मृत्यु भएको थियो ।
कोरोना भाइरसबाट संक्रमित हुनेको संख्या ४३ हजार नाघेको छ । गत डिसेम्बरबाट फैलिन सुरु गरेको कोरोना भाइरसको संक्रमण युहानको जलाहार बजारबाट फैलिएको थियो ।
यसैबीच कोरोना भाइरसबिरुद्ध लड्ने भ्याक्सिन बनाउन कम्तीमा पनि एकबर्ष लाग्ने शोधकर्ताहरुले बताएका छन् । यो भ्याक्सिन सबैभन्दा छिटो तयार भएमा सन् २०२१ को जनवरीमा आउने उनीहरुको भनाई छ ।
जापानको क्रुजसिपमा १३५ जनामा कोरोनाको संक्रमण पुष्टी भएको छ, जसमध्ये कम्तीमा २४ जना अमेरिकन रहेका छन् ।