अमेरिकी दूतावास न्यु दिल्लीको भूभागमा ५ बर्षकी बालिका बलात्कृत
प्रकाशित मिति : माघ २४, २०७६ शुक्रबार
अमेरिकी दूतावास न्यु दिल्लीको भूभागमा ५ बर्षकी बालिकाको बलात्कार भएको छ । बलात्कार गरेको अभियोगमा प्रहरीले एकजना व्यक्तिलाई नियन्त्रणमा लिएको छ ।
ती बालिका दूतावासका कर्मचारीहरुको आवासबाहिर खेलिरहेकी थिइन् । उनलाई एकजना छिमेकीले बलात्कार गरेको जनाइएको छ ।
ती बालिका दूतवासले हाउसकिपरका रुपमा राखेका एकजना कर्मचारीकी छोरी रहेको जनाइएको छ । बलात्कारको अभियोगमा पक्राउ परेको २५ बर्षको युवकमाथि थप अनुसन्धान भइरहेको छ ।
भारतीय दूतावासका प्रवक्ताले यो घटनाबाट आफूहरु निकै मर्माहत भएको जनाएका छन् । उनले दोषीलाई कारवाही गराउनका लागि आफूहरुले प्रहरीसँग समन्वय गरिरहेको जनाएका छन् ।
बलात्कृत बालिका ५ बर्षकी रहेको र भारतीय कानुन अनुशार १२ बर्षभन्दा कम उमेरकालाई बलात्कार गर्नेलाई मृत्युदण्डको समेत सजाय हुनसक्छ । त्यसैले अभियोग प्रमाणित भएमा बलात्कारीलाई मृत्युदण्डको सजाय समेत हुनसक्नेछ ।
भारतमा हरेक दिन १ सय भन्दा बढी यौन हिंशाका घटनाहरु प्रहरीसमक्ष पुग्ने गरेका छन् । सन् २०१७ मा भारतमा ३२ हजार बलात्कारका घटनाहरु प्रहरीसमक्ष पुगेका थिए ।