फोक्सो फेरेपछि अंगदान अभियानमा सकृय प्राशाको बार्षिक पुण्यतीथिमा न्युयोर्कमा श्रद्धाञ्जली
प्रकाशित मिति : माघ १२, २०७६ आईतबार
फोक्सो फेरेपछि अंगदान अभियानमा सकृय प्राशाको निधन भएको बार्षिक पुण्यतीथिमा आज श्रद्धाञ्जली दिइएको छ । प्राशाप्रति श्रद्धाञ्जली व्यक्त गर्न न्युयोर्कमा बार्षिक पुण्यतीथिका अवशरमा गरिएको कार्यक्रममा न्युयोर्कका नेपालीहरु उपस्थीत भएका थिए ।
आज न्युयोर्क उडसाइडमा रहेको सुम्निमा किचनमा बार्षिक पुण्यतीथिका अवशरमा कार्यक्रम गरिएको हो ।
सन् २०१६ को फरबरी ९ मा न्युयोर्कमा फोक्सो फेरेर पुनर्जीवन प्राप्त गरेकी प्राशाको गतबर्ष निधन भएको थियो । फोक्सोमा इन्फेक्सन भएपछि उनलाई अस्पतालमा भर्ना गरिएकोमा उनको फोक्सो र मृगौलाले समेत काम गर्न छाडेको थियो ।
सन् २०१६ को फरबरीमा फोक्सो प्रत्यारोपणपछि तीनमहिना उपचार गरेर घर फर्किएकी प्राशा त्यसपछि अंगदान अभियानमा सकृय भएकी थिइन् । अंगदान र स्क्लेरोडोर्मा रोगका बारेमा जनचेतना जगाउने क्रममा प्राशा सन् २०१८ मा न्युयोर्क राज्यका सांसदहरुलाई भेट्न उनका पतिसहित क्यापिटल हिल समेत पुगेकी थिइन् ।
प्राशाको उपचारका लागि अमेरिकामा रहेको नेपाली समुदायले ठूलो सहयोग गरेको थियो । तर उनलाई दुईबर्षभन्दा धेरै बचाउन भने सकिएन ।