सिनेटमा ट्रम्पबिरुद्ध महाअभियोग प्रकृयाका लागि ९९ सिनेटरबाट सपथग्रहण
प्रकाशित मिति : माघ २, २०७६ बिहीबार
अमेरिकी सिनेटमा रााष्ट्रपति डोनाल्ड ट्रम्पबिरुद्धको महाअभियोग प्रकृषका लागि ९९ सिनेटरहरुले सपथग्रहण गरेका छन् । सर्बोच्च अदालतका प्रधानन्यायाधिस जोन रोबर्टस्ले सबै सिनेटरहरुलाई सपथ ग्रहण गराएका हुन् ।
प्रधानन्यायाधिसले आफैले पनि सपथग्रहण गरेका छन् । सपथग्रहणमा एकजना रिपब्लिकन सिनेटर जेम्स इन्होफ भने उपस्थीत थिएनन् । उनले आगामी साता सपथग्रहण गर्ने जनाइएको छ ।
सिनेटरहरुले महाअभियोगको कारवाही प्रकृयामा जुरीमा रुपमा काम गर्नेछन् । विचाराधिन रहेको महाअभियोगको सुनुवाईमा संविधान र कानुन बमोजिम निष्पक्ष न्याय गर्ने प्रतिबद्धता जनाउँदै उनीहरुले सपथग्रहण गरेका हुन् ।
सपथग्रहणपछि सबै सिनेटरहरुले सपथग्रहण पुस्तिकामा हस्ताक्षर समेत गरेका छन् । चारवटा समुह बनाएर उनीहरुले सपथग्रहण पुस्तिकामा हस्ताक्षर गरेका हुन् ।
सिनेटको कारवाही आगामी मंगलबारसम्मका लागि स्थगित भएको छ । मंगलबार दिउसो १ बजेदेखि महाअभियोगका सन्दर्भमा सिनेटको कारवाही सुरु हुनेछ ।
सिनेटको कारवाही चलिरहँदासम्मका लागि सिनेटरहरुका लागि केही नियमहरु बनाइएको छ । जसको कतिपयले हाइस्कुलका विद्यार्थीका लागि बनाइएको नियमजस्तो भएको भन्दै तुलना गरेका छन् ।
स्मार्ट फोन र इलोक्ट्रोनिक्समाथि प्रतिबन्धदेखि साइडटक गर्न नपाइनेसम्मका नियमहरु सिनेटरहरुका लागि बनाईको छ । नियममा सिनेटरहरु आआफ्ना सिटमा बस्नुपर्ने र एकअर्कोसँग कुरा गर्न नपाइने नियम बनाइएको छ ।
सिनेटमा हुने सबै कामकारवाहीप्रति ध्यानाकर्षण गर्नका लागि त्यस्ता नियमहरु बनाईको हो । नियममा महाअभियोगबारेको कामकारवाही जारीरहँदासम्म सिनेटरहरुले पालना गर्नुपर्ने विषय समेटिएको छ ।
सिनेटरहरुलाई पठाइएको पत्र
त्यस्तै अर्को तीन पृष्ठ लामो पत्रमा पनि सिनेटरहरुले पालना गर्नुपर्ने विषयहरु स्मरण गराइएको छ । सिनेटको फ्लोरमा जानका लागि सिट सिमित भएकाले हरेक सिनेटरले सिनेटको ग्यालरीसम्म पुग्नका लागि तीनवटा दैनिक र एउटा स्थायी पारिवारिक टिकट पाउनेछन्, जसको मद्दतले उनीहरु ४ जनासम्मलाई ग्यालरीसम्म लैजान पाउनेछन् ।