ट्रम्पबिरुद्धको महाअभियोग प्रस्तावमा सिनेटको परीक्षणमा सिनेटरका लागि यस्ता नियम
प्रकाशित मिति : माघ २, २०७६ बिहीबार
ट्रम्पबिरुद्धको महाअभियोग प्रस्तावमा सिनेटको परीक्षणमा सिनेटरका लागि केही यस्ता नियमहरु बनाइएको छ, जसलाई स्कुलका विद्यार्थीहरुका लागि परीक्षामा बनाइएका नियमसँग तुलना गरिएको छ ।
स्मार्ट फोन र इलोक्ट्रोनिक्समाथि प्रतिबन्धदेखि साइडटक गर्न नपाइनेसम्मका नियमहरु सिनेटरहरुका लागि बनाईको छ । नियममा सिनेटरहरु आआफ्ना सिटमा बस्नुपर्ने र एकअर्कोसँग कुरा गर्न नपाइने नियम बनाइएको छ ।
सिनेटमा हुने सबै कामकारवाहीप्रति ध्यानाकर्षण गर्नका लागि त्यस्ता नियमहरु बनाईको हो । नियममा महाअभियोगबारेको कामकारवाही जारीरहँदासम्म सिनेटरहरुले पालना गर्नुपर्ने विषय समेटिएको छ ।
सिनेटरहरुलाई पठाइएको पत्र
त्यस्तै अर्को तीन पृष्ठ लामो पत्रमा पनि सिनेटरहरुले पालना गर्नुपर्ने विषयहरु स्मरण गराइएको छ । सिनेटको फ्लोरमा जानका लागि सिट सिमित भएकाले हरेक सिनेटरले सिनेटको ग्यालरीसम्म पुग्नका लागि तीनवटा दैनिक र एउटा स्थायी पारिवारिक टिकट पाउनेछन्, जसको मद्दतले उनीहरु ४ जनासम्मलाई ग्यालरीसम्म लैजान पाउनेछन् ।
सिनेटमा महाअभियोग प्रस्तावबारेको कारवाही मंगलबारबाट सुरु हुनेछ ।