अष्ट्रेलियामा पाँच हजार उँटको गोली हानेर हत्या
प्रकाशित मिति : माघ १, २०७६ बुधबार
अष्ट्रेलियामा हेलिकप्टरबाट गोली हानेर पाँच हजार उँट मारिएको छ । ती उँटहरु पाँच दिनको अवधिमा मारिएको हो । ती उँटहरुले पानी धेरै पिएका कारण गोली हानि हत्या गरिएको हो ।
पानी खोज्दै ठूलो संख्यामा उँट आएर घरमा नोक्सानी पुर्याउन थालेपछि आदिवासी समुदायले उँट मार्न माग गरेको जनाइएको छ । त्यसपछि हेलिकप्टरबाट गोली हानेर पाँच हजार बढी उँट मारिएको हो ।
ठूलो संख्यामा उँटहरु खाना, पानी खोज्दै भौतिक संरचना भत्काएको र सवारी दुर्घटना समेत बढ्न सक्ने भन्दै सरकारले उँट मारेको हो।
अष्ट्रेलियामा डढेलोका कारण बढेको गर्मी र सुख्खाका कारण पनि उँटहरु शहरमा आएको बताइएको छ। डढेलोकै कारण त्यहाँ ५० करोड पशुपंक्षी समेत मरिसकेका छन्।
उँटहरु भने त्यहाँको स्थायी जनावर नभएको र सन् १८४०मा २० हजार उँट भारत, मध्यपूर्व, अफगानिस्तानलगायतका ठाउँबाट ल्याएको थियो।
अष्ट्रेलियामा उँटको संख्या बढिरहेको थियो। त्यहाँका मरूभूमिमा करिब १० लाख उँट रहेको अनुमान छ।