पाकिस्तान र अफगानिस्तानमा हिमपात र वर्षाका कारण कम्तीमा १३० जनाको मृत्यु
प्रकाशित मिति : पुस २९, २०७६ मंगलबार
पाकिस्तान र अफगानिस्तानमा अस्वभाविक वर्षा र हिमपातका कारण कम्तीमा १३० जनाको ज्यान गएको छ । तीमध्ये ९३ जनाभन्दा बढीको पाकिस्तानमा मृत्यु भएको हो ।
कश्मीरमा कैयौँ हिउँपहिरो गएका छन् । त्यस क्षेत्रका प्रमुख सडक र सञ्चार पूर्वाधार अवरुद्ध हुन पुगेका छन् ।
पाकिस्तानी काश्मिरमा मात्र ज्यान गुमाउेको संख्या ६२ पुगेको छ भने १० जना बेपत्ता छन् ।
पाकिस्तानको नीलम उपत्यका सबभन्दा धेरै प्रभावित भएको छ। त्यहाँ कैयौँ मानिस फसेका छन्। उक्त क्षेत्रमा प्राकृतिक विपद् आइपरिरहने भए पनि यसपटकको विपद् निकै समययताको घातक मानिएको छ।
खराब मौसमले पाकिस्तानका अन्य भागमा दर्जनौँको ज्यान गएको छ भने भारत र अफगानिस्तानमा पनि प्रभाव परेको छ। हिमपातपछि काबुललाई उत्तरी क्षेत्रसँग जोड्ने सालाङ पास बन्द गरिएको छ।
अफगानिस्तानमा मात्र ३९ जनाको ज्यान गएको छ ।