अमेरिकी भूभाग पोर्तोरिकोमा ६ दशमलव ४ म्याग्निच्युटको भूकम्प
प्रकाशित मिति : पुस २२, २०७६ मंगलबार
अमेरिकी भूभाग पोर्तोरिकोमा ६ दशमलव ४ म्याग्निच्युटको भूकम्प गएको छ । मंगलबार विहान गएको उक्त भूकम्पमा एकजनाको मृत्यु भएको छ भने ७ जना घाइते भएका छन् ।
न्युयोर्क समय अनुशार विहान ३ बजेर २४ मिनेट जाँदा उक्त भूकम्प गएको हो । त्यसपछि पनि विहान ७ बजेर १८ मिनेट जाँदा ५ दशमलव ८ म्याग्निच्युटको पराकम्प गएको छ ।
भूकम्पपछि पोर्तोरिकामा विद्युत आपूर्तिमा अवरोध उत्पन्न भएको छ । त्यहाँको सरकारले जनतालाई शान्त र संयम रहन अनुरोध गरेको छ ।
पोर्तोरिकोमा आइतबारमात्र ५ दशमलव ८ म्याग्निच्युटको भूकम्प गएको थियो । डिसेम्बर २८ देखि त्यहाँ भूकम्पहरु गइरहेका छन् । सोमबार विहान पनि त्यहाँ भूकम्पको धक्का अनुभव गरिएको थियो ।
भूकम्पबाट पुन्ता भेन्ताना चट्टान क्षतिग्रस्त भएको छ । यो त्यहाँको पर्यटकीय आकर्षणका रुपमा रहेको थियो ।
