८ घण्टासम्म सुत्छन् बिल गेट्सदेखि जेफ बेजोससम्मका सफल व्यक्ति
प्रकाशित मिति : पुस १३, २०७६ आईतबार
संसारका कैयन सफल व्यक्तिहरु ७ देखि ८ घण्टासम्म सुत्नेगरेको खुलासा भएको छ । विगत केहीबर्षदेखि पहिलो र दोश्रो नम्बरमा रहदै आएका विश्वका धनी र सफल व्यक्तित्वहरु बिल गेट्स र जेफ बेजोस ७ देखि ८ घण्टासम्म सुत्ने गरेका छन् ।
एप्पल कम्पनका सीईओ टीम कुकदेखि गायक डली पार्टनसम्मले विहान छिटो उठ्दा उक्त दिनबाट अधिकतम लाभ उठाउन सकिने बताएका छन् । तर जब उत्पानदशीलता, स्वास्थ्य र सफलताको कुरा आउँछ, रातीमा पूर्णरुपमा सुत्नु अत्यन्तै महत्वपूर्ण हुन्छ ।
ईकमर्स बिजनेश सोपीफाईका सीईओ टोबियस लुत्केले बिहिबार ट्वीट गर्दै आफू पूरैरात सुत्नेगरेको बताएका छन् । आफूलाई सुत्नका लागि ८ घण्टा चाहिने बताएका छन् ।
बिल गेट्सले आफू माइक्रोसफ्टमा आफ्नो क्यारियरको शुरुमा नियमित रूपमा सबै रातहरु नसुतेरै बिताउने गरेको बताएका छन् । आफू क्याफिना आधारित रहेर जाथा बस्ने र आफू कामको शिकार भएकाले निद्रालाई नै अल्क्षीको रुपमा लिने गरेको बताएका छन् ।
तर अहिले भने अरबपति माइक्रोसफ्टका यी संस्थापकको आँखा हरेक राती कम्तिमा सात घण्टा बन्द हुन्छ । आफूले आफैलाई विश्वस्त पार्दा पनि सबै मानिसहरूलाई कम्तीमा यति निद्रा आवश्यक रहेको उनको भनाई छ ।
त्यस्तै अरबपति उद्यमी र चिनियाँ ईकमर्श साइट अलीबाबाका संस्थापक ज्याक माले निद्रा तनाव र समस्या समाधान गर्नका लागि महत्वपूर्ण रहेको बताएका छन् । यदि आफू राम्रोसँग ननिदाएपनि समस्या त्यही नै रहने भन्दै उनले यदि राम्रोसँग सुतेमा आफूसँग लड्न अझ राम्रो मौका हुने बताएका छन् ।
अनुसन्धानले पनि उनको बानीलाई समर्थन गर्दछ । अध्ययनहरूका अनुशार निद्रा अभावले रचनात्मकता र स्मरणशक्तिमा नकारात्मक असर पार्छ ।
त्यस्तै अमेजनका संस्थापक र सीईओ जेफ बेजोसले आठ घण्टा निद्राले उनलाई वरिष्ठ कार्यकारीलाई आवश्यक पर्ने उच्चस्तरीय निर्णय लिन मद्दत गर्दछ ।
आठ घण्टा निद्राले आफ्नो लागि ठूलो फरक पार्ने र आफूले यसलाई प्राथमिकतामा राख्न कडा कोसिस गर्ने उनको भनाई छ ।
त्यस्तै एनबीए स्टार लेब्रोन जेम्सको कामका लागि आफूले मानसिक र शारीरिक रुबै रुपमा उच्चतम प्रदर्शन गर्नु पर्ने भएकाले निद्राले त्यसको रिकभर गर्ने बताएका छन् । उनले हरेक रात कम्तीमा ८ घण्टा र कहिलेकाँही ९ घण्टासम्म सुत्ने गरेको बताएका छन् ।