बाल यौन दुराचारी अमेरिकी नागरिक विमानस्थलमै पक्राउ
प्रकाशित मिति : पुस ११, २०७६ शुक्रबार
बाल यौनदुराचार अपराधमा इन्टरपोलको कालोसूचीमा रहेका एक अमेरिकन नागरिकलाई अध्यागमनले विमानस्थलमै पक्राउ गरेको छ । भारतीय मूलका अमेरिकन नागरिक प्रिया द्वारकडासलाई अध्यागमले सोमबार पक्राउ गरेको हो । एक दिन थुनामा राखी मंगलबार उनलाई अमेरिका नै फर्काइएको छ ।
बाल यौनदुराचार मुद्दामा दोषी भई जेल बसेर छुटेको खुलेपछि फर्काएको विभागका निर्देशक रामचन्द्र तिवारीले बताए । बाल यौन दुराचारसम्बन्धी अपराधकै लागि नेपाल आएको आशंकामा अध्यागमनले फर्काइदिएको हो । उनको पासपोर्टमा नै बालयौनदुराचार मुद्दामा जेल बसेर छुटेको व्यक्ति भनेर उल्लेख गरिएको थियो ।
पर्यटकको आवरणमा धेरै विदेशी बाल यौन दुराचारका लागि नेपाल आउने गरेको खुलेको छ । गत २२ मंसिरमा मात्र सिआइबीले एक अमेरिकन नागरिकलाई सिनामंगलबाट पक्राउ गरेको थियो ।