यो बर्षको सबैभन्दा खतरनाक सूर्यग्रहण बिहिबार, यस्तो देखिदैछ आकाश

खसोखास अमेरिका ब्यूरो

---

प्रकाशित मिति : पुस ६, २०७६ आईतबार

यो बर्षको सबैभन्दा खतरनाक र अन्तिम सूर्यग्रहण बिहिबार लाग्ने भएको छ ।  सूर्यग्रहणमा सूर्यको बीचको भाग छेकिंदा औंठीजस्तो आकार बन्नेछ ।ग्रहण त्यसदिन नेपाली समयअनुसार बिहान ८ बजेर  ४२ मिनेटमा सुरू भएर १० बजेर १ मिनेटमा सकिनेछ।

भारत, सिंगापुर, श्रीलंका, मलेसियालगायत ठाउँबाट भने रिङ अफ फायरका रूपमा देखिनेछ। सूर्यको यस्तो आकार झण्डै ३ मिनेट ४० सेकेण्ड देख्न सकिने जनाइएको छ । तर यो सूर्यग्रहण योबर्षकै सबैभन्दा खतरनाक भएकाले नांगो आँखाले हेरेमा अन्धो समेत हुन सकिने चेतावनी दिइएको छ ।

गत जुलाईको सूर्यग्रहण नांगो आँखाले समेत हेर्नसकिने थियो । तर यो सूर्य ग्रहण नांगो आँखाले हेर्दै नहेर्न चेतावनी दिइएको छ ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

यो सूर्यग्रहण साउदी अरबबाट सबैभन्दा राम्रो देखिने जनाइएको छ । त्यहाँ सूर्योदय हुनासाथ आगाको ज्वालाजस्तो औंठीको आकारमा देखिनेछ ।

त्यसपछि कतार, युएई, ओमन, दक्षिणी भारत, श्रीलंका, इन्डोनेशिया, सिंगापुर मलेसिया लगायतका देशबाट देख्न सकिनेछ । खासगरी एसिया र दक्षिण एसियाका देशबाट बिहिबारको सूर्यग्रहण प्रष्ट देख्न सकिनेछ ।

त्यसपछि अर्को सूर्यग्रहण सन् २०२० को जुन २१ मा लाग्नेछ । यो सूर्यग्रहण पनि अफ्रिका र दक्षिण एसियाका मुलुकहरुबाट राम्ररी देख्न सकिनेछ ।

उत्तर अमेरिकाबाट भने सन् २०२१ को जुन १० र सन् २०२३ को अक्टोबर १४ को सूर्यग्रहण देख्न सकिनेछ ।