भेष बदलेर जाँदा अमेरिकी राष्ट्रपतिले समेत चिनेनन् सीआईएकी उच्च अधिकारीलाई
प्रकाशित मिति : पुस ३, २०७६ बिहीबार
जोना मेन्डेज । अमेरिकी जासुुसी संस्था सीआईएसमा भेष बदल्ने विभागकी पूर्व प्रमुख हुन् ।
जर्ज डब्ल्यु बुस राष्ट्रपति भएको बेलामा एकविहान उनी भेष बदलेर ह्वाइट हाउसभित्र प्रवेश गरिन् ।
सुरुमा उनले एकजना अफ्रिकन अमेरिकन पुरुषको अनुहार लगाएकी थिइन् । अर्थात् भेष बदल्ने मास्कका कारण उनको अनुहार ठ्याक्कै अफ्रिकन अमेरिकन पुरुषको जस्तो बनेको थियो । तर आवाजले साथ नदिएका कारण पछि उनले आफ्नै एकजना महिला साथीको अनुहार लगाइन् ।
त्यसपछि उनी ह्वाइटहाउसको ओभल अफिसबाहिर गइन् । अनि पेन्सिल टोकेर बसिरहिन् । त्यसदिन अमेरिकी राष्ट्रपति खुफिया ब्रिफिंगका लागि तयार हुँदै थिए ।
जब राष्ट्रपति तयार भए ब्रिफिंग सुरु भयो । मेन्डेजले आफूले पछिल्लो प्रविधि देखाउन गइरहेको बताइन् । तर अमेरिकी राष्ट्रपति, जो आफै सीआईएका पूर्व प्रमुख थिए, उनले आफै पत्ता लगाउने बताए । तर अमेरिकी राष्ट्रपतिले चिन्न नकसेपछि मेन्डेजले आफै मास्क उतारिन् ।
उनले तयार पारेका कैयन मास्कहरु अहिले पनि अमेरिकाको वासिंटन डिसीमा रहेको जासुसी संग्राहालयमा संग्रहित छन् । उनलाई सबैभन्दा मनपर्ने भेष अफ्रिकन अमेरिकनको थियो । उक्त भेषमा हिडेपछि उनलाई कमै व्यक्तिले चिन्थे ।
उनले २७ बर्षको अवधिमा एसिया, इन्डियन महाद्वीप, युरोप र विश्वका विभिन्न देशमा भेष बदलेर पुगिरहिन् ।
जर्मनीमा बस्ने उनका पतिले मेन्डेजले सीआईएका लागि काम गर्छिन् भन्ने कुरा विवाह हुनुभन्दा तीनदिन अगाडिमात्र थाहा पाएका थिए । मेन्डेजले शीतयुद्धका बेलामा कैयनपटक यसरी भेष बदलेर विभिन्न देशमा पुगेकी थिइन् ।