अमेरिकी राष्ट्रपति ट्रम्पले किन शेयर गरे बक्सर लुक्सको तस्वीर
प्रकाशित मिति : मंसिर १९, २०७६ बिहीबार
एजेन्सी । अमेरिकी राष्ट्रपति डोनाल्ड ट्रम्प प्रायः चर्चामा आइरहन्छन् । उनै ट्रम्प एक तस्वीरका कारण अहिले पूनः चर्चामा छन् ।
ट्रम्पले हालै आफ्नो ट्विटर एकाउन्टबाट एक फरक खालको फोटो शेयर गरेका छन् । उनले बक्सरको लुक्समा एक फोटो शेयर गरेपछि अहिले इन्टरनेटमा उक्त फाेटो भाइरल बनेको छ । सामाजिक संजाल प्रयोगकर्ताहरुले ट्रम्पले तस्वीर शेयर गरेर आफु लडाकु भएको इंगित गरेको हुनसक्ने अभिब्यक्ती दिएका छन् ।
धेरै एडिट गरेको जस्तो देखिने उक्त फोटोलाई लिएर सामाजिक संजालमा हाँसो ब्यङ्ग्य गरिएको छ । उनको ट्विटरमा १ लाखभन्दा बढीले रिट्विट गरेका छन् । बिना क्याप्सन ट्रम्पले शेयर गरेको तस्वीरमा भएको शरीर कसको होे खुलेको छैन यद्यपी यो फोटो १९८२को फिल्म ‘रकी’मा समेत प्रयाेग भएको थियो ।