लण्डन ब्रिजमा भएको घटनामा कैयन घाइते, बन्द गरियो लण्डन ब्रिज
प्रकाशित मिति : मंसिर १३, २०७६ शुक्रबार
लण्डनको लण्डन ब्रिजमा भएको घटनामा कैयन व्यक्ति घाइते भएका छन् । स्थानीय समय अनुशार दिउसोको २ बज्न लाग्दा चक्कु प्रहारको घटना भएको प्रहरीले जनाएको छ ।
मेट प्रहरीका अनुसार एकजना पुरुषलाई प्रहरीले गोली प्रहार गरेको छ। प्रहरीले आतङ्कवादी घटनाका रुपमा अनुसन्धान गरिरहेको छ । घटनामा संलग्न भएको आंशकामा एकजनालाई पक्राउ गरिएको छ ।
प्रधानमन्त्री बोरिस जन्सनले ट्वीट गर्दै आफूले उक्त घटनाबारे लगातार जानकारी लिइरहेको भन्दै प्रहरी तथा आपतकालीन सेवा प्रदायकहरूलाई धन्यवाद दिएका छन्। लण्डनको एम्बुलेन्स सेवाले ठूलो घटना भएको बताएको छ।
घटनापछि लण्डन ब्रिजलाई प्रहरीले बन्द गराइदिएका छन्। घटनास्थलमा गोली चलेको आवाज समेत सुनिएको थियो । पुरुषहरूको एक समूह पुलमा झगडा गरिरहेको थियो भने प्रहरी आइपुगेपछि त्यहाँ गोली चलेको थियो ।
उसले त्यस क्षेत्रमा रहेका मानिसहरूलाई काममा खटिएका प्रहरी अधिकारीहरूको सुझावलाई मान्न आग्रह गरेको छ। एकजना व्यक्तिलाई धेरैजनाले आक्रमण गरेको र लगत्तै प्रहरी पुगेपछि केही राउन्ड गोली चलेको जनाइएको छ ।घटनास्थलमा प्रहरी तथा एम्बुलेन्स पुगेको छ भने त्यहाँ अन्य मानिसहरूलाई जान दिइएको छैन ।