अष्ट्रेलियाको आगलागीबाट उद्दार गरिएको कोआलाको उद्दारगर्ने हजुरआमासँग पुनर्मिलन
प्रकाशित मिति : मंसिर ५, २०७६ बिहीबार
अष्ट्रेलियाको जंगलमा आगलागी हुँदा अत्यन्तै नराम्रो तरिकाले जलेर चिच्याउँदै गरेको कोआलाको उद्दार गर्ने हजुआमासँग अस्पतालमा पुनर्मिलन गराइएको छ । हालै सार्वजनिक एउटा भिडियोमा गाडीमा सवार तीमहिलाले घाइते कोआला वियरको नाटकीय तरिकाले उद्दार गरेकी थिइन् ।
आगोमा जलिरहेको कोआलालाई उनले आफ्नो सर्ट उतारेर छोपेकी थिइने । यसरी उद्दार गरिएको कोआलालाई बिहिबार कोआला अस्पतालमा उद्दार गर्ने ती महिलासँग पुनर्मिलन गराइएको छ ।
Woman risks her own safety to rescue a koala from raging bushfires in Australia. More here: https://t.co/BVk7ieSqgC pic.twitter.com/ksT75Jm8zp
— Reuters (@Reuters) November 20, 2019
अक्सिजन मास्क लगाइएको कोआलालाई कम्बलमा बेरिएको थियो । अस्पतालले उक्त कोआला बाँच्ने सम्भावना भने पचास प्रतिशतमात्र भएको बताएको छ । कोआलाको हातखुट्टा पूर्णरुपमा जलेकाले उपचार हुन लामोसमय लाग्ने जनाइएको छ ।
अष्ट्रेलियाको जंगलका लागेको आगोका कारण ३५० भन्दा धेरै कोआलाहरु मारिएको आशंका गरिएको छ । आगलगीपछि कोआलालाई बचाउन तालिमप्राप्त कुकुरहरुको प्रयोग गरिएको थियो ।
कोआला भालुका रुपमा चिनिने यो प्राणी असाध्यै सुन्दर हुन्छ । तर यो प्राणी साँच्चीकै भालु नभई मार्सुपियल प्राणी हो । मार्सुपियल जीवहरू ती हुन् जसले आफ्ना बच्चाहरूलाई पेटको नजिक एउटा सानो झोलामा राख्छन् ।
धेरै जसो प्रख्यात मार्सुपियल प्राणी कंगारु हो । कोआला भालुले बच्चा जन्माएपछि ६ महिनासम्म आफ्नो झोलामा राख्छ।जब बच्चा अलि ठूलो हुन्छ, यो आमाको पीठमा हुन्छ। करीव १ बर्षसम्म, आमाले आफ्नो बच्चालाई पछाडि वा पेटमा राख्छिन्।
अष्ट्रेलियामा आगलागीबाट चारजना व्यक्तिको मृत्यु भएको छ भने कैयन घरहरु ध्वस्त भएका छन् । १३ सय भन्दा धेरै अग्नी नियन्त्रकहरु आगो निभाउन खटिरहेका छन् ।