अमेरिकी राष्ट्रपति ट्रम्पको आकस्मिक स्वास्थ्य जाँच, स्वास्थ्य एकदम राम्रो
प्रकाशित मिति : मंसिर १, २०७६ आईतबार
अमेरिकी राष्ट्रपति डोनाल्ड ट्रम्पले आफ्नो वार्षिक स्वास्थ्यजाँचपछि आफ्नो स्वास्थ्य एकदम राम्रो भएको बताएका छन् । शनिबार ट्रम्पको वाल्टर रिड मेडिकल सेन्टरमा स्वास्थ्य जाँच गरिएको ह्वाइट हाउसले जनाएको छ ।
ट्रम्पको स्वास्थ्य जाँच र ल्याब टेस्ट समेत गरिएको जनाइएको छ । यो स्वास्थ्यजाँचलाई तालिकामा नराखिएपनि वार्षिक नियमित जाँच हो । उक्त जाँचबारे थप विवरण भने सार्वजनिक गरिएको छैन ।
Visited a great family of a young man under major surgery at the amazing Walter Reed Medical Center. Those are truly some of the best doctors anywhere in the world. Also began phase one of my yearly physical. Everything very good (great!). Will complete next year.
— Donald J. Trump (@realDonaldTrump) November 17, 2019
यसभन्दा अगाडि १० महिना पहिले ट्रम्पको वार्षिक स्वास्थ्यजाँच गरिएको थियो भने स्वास्थ्य एकदम राम्रो भएको चिकित्सकहरुले बताएका छन् । ट्रम्प राष्ट्रपति भइसकेपछि वाल्टर रिड मेडिकल सेन्टरमा ९ पटक पुगिसकेका छन् ।
आफ्नो चुनावी अभियानका क्रममा उनले एक स्वास्थ्य रिपोर्ट सार्वजनिक गर्दै आफू राष्ट्रपतिमा निर्वाचित हुने सबैभन्दा स्वास्थ्य व्यक्ति भएको जनाएका थिए । तर पछि उक्त रिपोर्ट ट्रम्प आफैले तयार गरेको खुलासा गरेका थिए ।
दोश्रो कार्यकालका लागि चुनावी अभियान सुरु गर्दै गर्दा ७३ बर्षीय ट्रम्पले स्वास्थ्य जाँच गराएका हुन् । यसअगाडिका दुईवटा स्वास्थ्य जाँचलाई ट्रम्पले आफनो सार्वजनिक तालिकामा समेत हालेका थिए ।