हङ्कहङमा सरकार विरोधी प्रदर्शनमा ७० वर्षीय वृद्धको मृत्यु
प्रकाशित मिति : कार्तिक २९, २०७६ शुक्रबार
एजेन्सी / हङ्कहङमा सरकार विरोधी प्रदर्शनका क्रममा एक ७० वर्षीय वृद्धको मृत्यु भएको छ । वृद्धलाई खाजा खाने समयमा बाहिर निस्केका बेला मास्क लगाएका प्रदर्शनकारीहरुले प्रहार गरेको साह्रो वस्तुले लागेको अधिकारीहरुले बताएका छन् । गत साता पनि प्रहरी कारबाहीका क्रममा भवनबाट खसेर एकजना प्रदर्शनकारीको मृत्यु भएको थियो ।
विगत ६ महिनादेखि हङ्ककङमा सरकार विरोधी प्रदर्शन भईरहेको छ । सरकारले विज्ञप्ति जारी गर्दै उक्त घटनाका कारण दुखी भएको उल्लेख गरेको छ । उक्त घटनाको भिडिओमा प्रदर्शनकारी र सरकार समर्थकहरूले एकअर्का माथि इट्टा प्रहार गरिरहेको देखिएको छ ।
अधिकारीहरूका अनुसार ती वृद्धको मृत्यु उपचारका क्रममा भएको हो । प्रहरीले घटनाबारे अनुसन्धान गरिरहेको बताएको छ ।