राष्ट्रपति ट्रम्प लण्डनमा, बिरोधमा उडाइदैछ यस्तो बेलुन

अमेरिकी राष्ट्रपति डोनाल्ड ट्रम्प ४ दिने बेलायत भ्रमणका क्रममा लण्डन पुगेका छन् । राष्ट्रपति ट्रम्पले महारानी एलिजावेथ, प्रधानमन्त्री टेरेसा मे लगायतसँग उच्चस्तरीय भेट गर्ने कार्यक्रम रहेको छ ।

ट्रम्पको बेलायत भ्रमण भइरहँदा त्यहाँ ट्रम्पविरोधीहरुले प्रदर्शन समेत सुरु गरेका छन् । भोलि पार्लियामेन्ट स्क्वायरको आकाशमा ट्रम्पको बेबी बेलुन उडाइने भएको छ । लण्डनका मेयर सादिक खानले यस्तो बेलुन उडान प्रदर्शनकारीलाई अनुमति दिएका थिए ।

प्रदर्शनकारीहरुले स्कटल्याण्डको गल्फ कोर्सको आकाशमा पनि बेबी बेलुन उडाउने तयारी गरेपनि प्रहरीले अनुमति दिनमा अस्वीकार गरेको छ । स्कटल्याण्डमा ट्रम्पका केही गल्फ कोर्सहरु संचालनमा रहेका छन् ।

गल्फ कोर्शको आकाशमा बेलुन उडान नदिइएपनि अन्य वैकल्पिक स्थानका बारेमा छलफल भइरहेको त्यहाँको प्रहरीले जनाएको छ । शनिबार ट्रम्पले टर्नबेरी कोर्समा गल्फ खेल्ने अपेक्षा गरिएको छ । त्यहाँको आकाशमा बेलुन उडाउन पाउने मागका साथ बुधबार बेलुकासम्म ८ हजार भन्दा धेरैले पिटिसनमा हस्ताक्षर गरेका छन् ।

ब्रसेल्समा सम्पन्न नाटो सम्मेलनपछि ट्रम्प बिहिबार दिउसो लण्डन पुगेका थिए । अहिले ट्रम्प रात्रीभोजका लागि ब्रिटेनको ब्लेनहिम प्यालेस पुगेका छन्, जहाँ उनलाई प्रधानमन्त्री टेरेशा मेले स्वागत गरेकी थिइन् ।

बिहिबार, असार २८, २०७५ मा प्रकाशित

Leave a Reply

Your email address will not be published. Required fields are marked *

सम्बन्धित सामाग्री

WP Facebook Auto Publish Powered By : XYZScripts.com