टेक्सासमा बन्दुकधारीको आक्रमण, ५ को मृत्यु, २१ घाइते

खसोखास अमेरिका ब्यूरो

---

प्रकाशित मिति : भाद्र १४, २०७६ शनिबार

अमेरिकाको टेक्सासमा बन्दुकधारीको आक्रमणमा ५ जनाको मृत्यु भएको छ भने कम्तीमा २१ जना घाइते भएका छन् । बन्दुकधारीले पश्चीम टेक्सासमा गोली चलाएको जनाइएको छ ।

घाइतेहरुमध्ये १३ जनाको ओडेसाको मेडिकल सेन्टर हेल्थ सिस्टममा उपचार भइरहेको छ । जसमा ७ जनाको अवस्था गम्भिर रहेको जनाइएको छ ।

त्यहाँ उपचार गराइरहेकामध्ये दुईजना असाध्यै गम्भिर अवस्थामा छन् भने एकजनाको मृत्यु भएको छ । उपचार भइरहेकोमा एकजना २ बर्षभन्दा कम उमेरका शिशु समेत रहेको जनाइएको छ ।

बन्दुकधारी झण्डै ३५ बर्षजतिको श्वेत व्यक्ति रहेको अधिकारीहरुले जनाएका छन् । बन्दुकधारीको कारलाई मिडल्याण्ड र ओडेसाको बीचमा प्रहरीले ट्राफिक स्टपमा रोक्न खोज्दा बन्दुकधारीले प्रहरीमाथि नै गोली चलाउन थालेको थियो ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

त्यसपछि बन्दुकधारीले कैयन गाडी चालक र पैदलयात्रीमाथि गोली चलाउन थालेको थियो । बन्दुधकारीलाई प्रहरीले सिनेमा कम्प्लेक्समा गोली हानेको थियो । प्रहरीको गोलीबाट बन्दुकधारीको मृत्यु भइसकेको छ । घटना स्थानीय समय अनुशार दिउसो झण्डै सबा ३ बजेको हो ।