२५ बर्षीय गायक जस्टिन बिबर डिप्रेशनमा, प्राथना गरिदिन प्रशंसकसँग आग्रह
प्रकाशित मिति : फाल्गुन २६, २०७५ आईतबार
चर्चित गायक जस्टिन बिबरले आफूले एकदमै संघर्ष गरिरहेको बताउँदै प्रशंसकहरुसमक्ष आफ्ना लागि प्राथना गरिदिन आग्रह गरेका छन् । एउटा इन्स्टाग्राम पोष्टमार्फत गायक बिबरले आफूले एकदमै सम्पर्कविहिन र अनौठो अनुभव गरिरहेको जनाएका छन् ।
इन्स्टाग्राममा उनले प्राथना गरिरहेको श्यामश्वेत तस्वीर पोष्ट गरेका छन् । फरबरीमा गायक बिबरको डिप्रेशनको उपचार भइरहेका समाचारहरु आएका थिए । तर उनको पछिल्लो इस्टाग्राम पोष्टलाई उनमा आएको सुधारका रुपमा हेरिएको छ ।
मार्च १ मा २५ बर्षमा प्रवेश गरेका गायक पुन सामान्य जीवन र स्टारडममा फर्कने अपेक्षा गरिएको छ । थेरापीले उनलाई सकारात्मक प्रभाव पारिरहेको र उनले नकारात्मक कुराहरुभन्दा सकारात्मक कुराहरु सोंच्न थालेको जनाइएको छ । अब उनले नयाँ जीवनको सुरुवात गर्न लागेको जनाइएको छ ।