जापानमा अब विदेशी नागरिकलाई निःशुल्क परामर्श, अनलाइनबाटै पनि सेवा लिन सकिने

नेपाल डेस्क

---

प्रकाशित मिति : फाल्गुन १८, २०७५ शनिबार

जापानले विदेशी नागरिकलाई निःशुल्क परामर्श सेवा दिने भएको छ । यहाँको न्याय मन्त्रालयअन्तर्गको मानव अधिकार विभागले यस्तो निर्णय गरेको हो । आफूलाई मानव अधिकारको उल्लङ्घनको शिकार भएको मान्ने व्यक्तिका लागि न्याय मन्त्रालयको मानव अधिकार निकायले परामर्श सेवा दिन्छ । यी निकायहरुले अवस्थाको मूल्याङ्कन गरेर आवश्यक अनुसन्धान र उपयुक्त कदम चाल्दै भविष्यमा यस्ता घटना हुनबाट समेत रोक्ने प्रयास गर्छ ।

यदि तपाइ पनि आफूलाई मानव अधिकार उल्लङ्घनको शिकार भएको मान्नुहुन्छ भने यहाँ सम्पर्क गर्न सकिन्छ । यहाँका कर्मचारीले तपाइको समस्या सँगै बसेर छलफल गर्ने सम्भव भएसम्म छिटो त्यसको समाधान पनि निकाल्न सहयोग गर्छन् ।

जापान प्रवेश गर्ने विदेशी नागरिकको संख्या दिनप्रतिदिन बढ्दै गइरहेका कारण भाषा, धर्म, संस्कृतिलगायतका पक्षका आधारमा हुने भेदभाव पनि बढ्ने देखिएको छ ।

उदाहरणका लागि राष्ट्रियताका कारण घर भाडामा नपाइने र विद्यालयमा बुलिङ्को शिकार हुने जस्ता कुराहरु पर्छन् ।

विदेशी नागरिकको मानव अधिकारलाई उचित सम्मान दिनका लागि मानव अधिकार निकायले फोन, अनलाइन र व्यक्तिबाट पहुँच हुने परामर्श सेवा तय गरेको छ ।

जापानी भाषाको राम्रो ज्ञान नभएका विदेशी नागरिकलाई सहयोग गर्न राष्ट्रभरीका ५० ओटा कानूनी मामिलला विभाग र जिल्ला कानूनी मामिला विभागको माध्यमबाट यो सेवा दिइने भएको हो ।

– यो विभाग सरकारी निकाय भएकाले यहाँ दिइने सल्लाह र सुझाव सबै निश्पक्ष र तटस्थ हुनेछ ।
– यसका लागि कुनै शुल्क लाग्दैन र कागजी कामको पनि आवश्यकता पर्दैन ।
– आवश्यकता अनुसारका कानूनी सल्लाह र सुझाव दिइनेछ । उपयुक्त लागेमा दुवै पक्षबीच सुलाह गराउने प्रयास गरिनेछ ।
– सबै उपाय सम्बन्धित पार्टीको सहमतिका आधारमा गरिन्छ । यदि उसले नचाहेको खण्डमा उसलाई बाध्य बनाइँदैन ।
– परामर्श सेवा फोन, अनलाइन र आमने सामने उपलब्ध हुनेछ ।

फरक भाषा, सँस्कृति, धर्म, रितिरिवाज र सँस्कारका कारण विदेशीहरुले विभेदजन्य हिंसाबाट पीडित हुन नपरोस् भन्ने उद्देश्यले यस्तो सेवा दिन लागिएको ब्यूरोले जनाएको छ ।विशेषगरि घर–कोठा, पसल भाडामा लिने क्रममा र स्कुलमा बच्चाहरुमाथि विभेदजन्य हिंसा हुने गरेको आवाज उठिरहेकै बेला यस्तो सेवा सुरु गरिन लागेको बताईएको छ । मानव अधिकार संग सम्बन्धित मूल्य र मान्यताको सम्मान गर्दै जापानमा रहेका विदेशीहरुलाई त्यसको प्रत्याभूति दिलाउन यसप्रकारको सेवाले धेरै भन्दा धेरै पीडित विदेशीहरु लाभान्वित हुने अपेक्षा गरिएको छ ।

फोनमार्फत सेवा लिनका लागि(विदेशी भाषामा): 0570-090911, weekdays 9:00-17:00 (closed for New Year)
फेस–टु–फेस परामर्श लिनका लागिः Legal Affairs Bureaus and District Legal Affairs Bureaus, weekdays 9:00-17:00 (closed for New Year)
अनलाइनमार्फत परामर्श लिनका लागिः http://www.moj.go.jp/MINJI/minji10.html (Japanese only)