आफ्नै क्रिप्टोकरेन्सी सुरुवात गर्दै चेस बैंक
प्रकाशित मिति : फाल्गुन ५, २०७५ आईतबार
अमेरिकाको सबैभन्दा ठूलो बैंक जेपी मोर्गन चेस बैंकले आफ्नै क्रिप्टोकरेन्सी सुरुवात गर्ने भएको छ । जेपीएम क्वाइन नाम दिइएको उक्त क्रिप्टोकरेन्सी बिटक्वाइन वा अन्य क्रिप्टोकरेन्सीजस्तो ब्यापार भने नहुने जनाइएको छ ।
ग्राहकहरुलाई लाग्ने शुल्क र जोखिम कम गर्न क्रिप्टोकरेन्सीको विकाश गरिएको चेस बैंकले जनाएको छ । यो बैंकले हरेक दिन ग्राहकहरुको तर्फबाट विश्वमा ट्रिलियन डलर परिचलान गर्दै आएको छ ।
सुरुमा चेस बैंकको क्रिप्टोकरेन्सी व्यक्तिका लागि उपलब्ध नहुने तर मुख्य संस्थागत ग्राहकका लागि उपलब्ध हुने जनाइएको छ । तर बर्षको अन्त्यसम्म अन्य ग्राहकका लागि समेत विस्तार गरिने जनाइएको छ । यस्तो प्रकारको डिजिटल सिक्काको पहिलोपटक सफलताका साथ परिक्षण गर्न सफल चैस बैंक पहिलो अमेरिकन बैंक हो ।